- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
ملک بھر میں ضمنی انتخابات کیلیے پولنگ آج ہوگی
اسلام آباد: ملک بھر میں ضمنی انتخابات کے لیے پولنگ آج ہوگی اور 35 حلقوں میں اُمیدوار قسمت آزمائیں گے جس کے لیے تمام تر انتظامات مکمل کرلیے گئے ہیں۔
ایکسپریس نیوز کے مطابق ضمنی انتخابات کے لیے پولنگ آج ہوگی اس حوالے سے الیکشن کمیشن نے تمام تر انتظامات مکمل کرلیے ہیں، پولنگ 35 حلقوں میں ہوگی جن میں قومی اسمبلی کے 11 اورصوبائی اسمبلی کے 24 حلقے شامل ہیں۔
اسلام آباد سے قومی اسمبلی کی ایک ، پنجاب کی 8، سندھ اور خیبر پختونخوا کی ایک ایک نشست پر انتخاب ہوگا جب کہ پنجاب اسمبلی کی 11، سندھ کی 2، خیبر پختونخوا کی 9 اور بلوچستان کی 2 نشستوں پرضمنی انتخاب ہوگا۔
پاک فوج کی نگرانی میں بیلٹ پیپرز اور دوسرا سامان پولنگ اسٹیشنز پہنچادیا گیا ہے،پولنگ صبح 8 بجے شام 5 بجے تک جاری رہے گی۔
ضمنی الیکشن کے لیے 95 لاکھ بیلٹ پیپرز چھاپے گئے ہیں، 641 امیدوار پنجہ آزمائی کریں گے، 92 لاکھ 83 ہزار 74 ووٹرز اپنا حق رائے دہی استعمال کریں گے جس کے لیے 7 ہزار 489 پولنگ اسٹیشنز بنائےگئے ہیں، مختلف حلقوں کے1727 پولنگ اسٹیشنز کو انتہائی حساس قرار دیا گیا ہے۔
ضمنی انتخابات میں 40 ہزار سے زائد پاک فوج کے جوان فرائض سرانجام دیں گے جب کہ ایک لاکھ پولیس اور دوسرے قانون نافذ کرنے والے اداروں کے اہلکاروں کو تعینات کیا گیا ہے۔
الیکشن کمیشن کے مطابق کسی بھی ناخوشگوار واقعےسے نمٹنے کے لیے فوجی جوان پولنگ اسٹیشنز کے اندر اور باہر تعینات ہوں گےجب کہ وزارت توانائی کو ہدایت کی گئی ہے کہ پولنگ کے دوران متعلقہ حلقوں میں بجلی کی لوڈشیڈنگ نہ کی جائے۔
الیکشن کمیشن نے سیکیورٹی اسٹاف کے لیے ضابطہ اخلاق بھی جاری کردیا ہے جس کے مطابق سیکیورٹی اسٹاف پریذائیڈنگ آفیسر اور آراوز کے ماتحت ہوں گے، سیکیورٹی حکام بیلٹ پیپرز کی گنتی میں مداخلت نہیں کریں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔