چوہدری نثار کی مسلم لیگ (ن) میں دوبارہ واپسی کا امکان

ویب ڈیسک  بدھ 7 نومبر 2018
چوہدری نثار سے لیگی رہنماؤں کی ملاقات ہوئی ہے، ذرائع مسلم لیگ (ن) فوٹو: فائل 

چوہدری نثار سے لیگی رہنماؤں کی ملاقات ہوئی ہے، ذرائع مسلم لیگ (ن) فوٹو: فائل 

 لاہور: سابق وفاقی وزیر داخلہ چوہدری نثار علی خان کے مسلم لیگ (ن) سے بیک ڈور رابطوں کا انکشاف ہوا ہے۔

ایکسپریس نیوز کے مطابق سابق وفاقی وزیر داخلہ چوہدری نثار علی خان کے مسلم لیگ (ن) سے بیک ڈور رابطوں کا انکشاف ہوا ہے۔ مسلم لیگ (ن) کے ذرائع کا کہنا ہے کہ چوہدری نثار جلد ہی مسلم لیگ (ن) میں واپس آجائیں گے۔ پارٹی سے معاملات طے ہونے کے بعد چوہدری نثار پنجاب اسمبلی کی رکنیت کا حلف اٹھا لیں گے۔

مسلم لیگ (ن) کے رہنما ملک ندیم کامران نے چوہدری نثار کے پارٹی قیادت سے رابطوں کی تصدیق کرتے ہوئے کہا ہے کہ چوہدری نثار سے لیگی رہنماؤں کی ملاقات ہوئی ہے، امید ہے چوہدری نثار جلد مسلم لیگ (ن) میں واپس آ جائیں گے۔

واضح رہے کہ چوہدری نثار کے نواز شریف سے اختلافات پیدا ہوگئے تھے اور انہوں نے مریم نواز کو بطور پارٹی رہنما تسلیم کرنے سے انکار کردیا تھا۔ چوہدری نثار نے آزاد حیثیت سے انتخابات میں حصہ لیا تھا تاہم وہ قومی اسمبلی کی نشستوں سے ہار گئے تھے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔