ایس ایس پی سینٹرل کی ناقص حکمت عملیپرامن طور پر منتشر ہونیوالے مظاہرین میں اشتعال

ایس ایس پی سینٹرل کو خوش کرنے کے لیے دیگر تھانے سے آنے والے تھانیداروں نے دل کھول کر ہوائی فائرنگ اور شیلنگ کی. فوٹو: فائل

---

ایس ایس پی سینٹرل کی ناقص حکمت عملی کے باعث رینجرز افسران کی جانب سے پرامن طور پر منتشر ہونے والے احتجاجی مظاہرین میں اشتعال پھیل گیا ، پولیس ذرائع کے مطابق دوہرے قتل کی واردات کے بعد مشتعل افراد کی جانب سے شارع پاکستان پر احتجاج کیے جانے کے دوران رینجرز حکام نے موقع پر پہنچ کر بات چیت کے بعد مشتعل افراد کو منتشر کر دیا۔

تاہم ایس ایس پی سینٹرل کی ناقص حکمت کے باعث پولیس کی جانب سے بلاجواز ہوائی فائرنگ اور شدید شیلنگ کی گئی جس کے باعث نہ صرف مشتعل افراد میں اشتعال پھیل گیا جبکہ رینجرز حکام بھی تمام معاملات پولیس کے حوالے کر کے دوسری جانب جا کر کھڑے ہوگئے ، پولیس ذرائع کا کہنا ہے کہ ایس ایس پی سینٹرل کو خوش کرنے کے لیے دیگر تھانے سے آنے والے تھانیداروں نے دل کھول کر ہوائی فائرنگ اور شیلنگ کی جس کے باعث متعدد شیل مسجد میں بھی جا گرے اور وہاں پر اعتکاف میں بیٹھے ہوئے افراد کو شدید مشکلات اور دقت کا سامنا کرنا پڑا۔