- کراچی ایئرپورٹ سے جعلی دستاویزات پر بیرون ملک جانے والے 2 مسافر گرفتار
- ججوں کے خط کا معاملہ، سنی اتحاد کونسل کا قومی اسمبلی میں تحریک التوا جمع کرانے کا فیصلہ
- ضلع بدین کے ماحولیاتی نمونوں میں پولیو وائرس کی موجودگی کی تصدیق
- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
عمران خان پر جتنا مشکل وقت آئیگا وہ اتنے ہی مضبوط ہوتے جائیں گے، سدھو
لاہور: سابق بھارتی ٹیسٹ کرکٹر نوجوت سنگھ سدھو کا کہنا ہے کہ کرتارپور راہداری کی تاریخ میں پاکستان کے وزیراعظم عمران خان کا نام پہلے صفحے پر لکھا جائے گا۔
ایکسپریس نیوز کے پروگرام تکرار میں بات کرتے ہوئے پاکستان میں آئے سابق بھارتی ٹیسٹ کرکٹر نوجوت سنگھ سدھو کا کہنا تھا کہ کرتارپور بارڈر کا افتتاح ریگستان میں 50 سال بعد بارش کے مترادف ہے، 71 سال کے بعد کل ایک مضبوط اتحاد اور ایک تاریخ بننے جارہی ہے، یہ وہ اتحاد ہے کہ جب دونوں پنجاب ایک ساتھ تھے تو انگریزوں نے بھی گھٹنے ٹیک دیئے تھے اور انہیں شکست سے دوچار ہونا پڑا۔
سابق بھارتی کرکٹر نے بتایا کہ جب وزیراعظم پاکستان عمران خان کی تقریبِ حلف برداری میں پاک فوج کے سربراہ جنرل قمر جاوید باجوہ سے ملاقات ہوئی تو انہوں نے یہ جملے کہے کہ سدھو ہم امن چاہتے ہیں اور ہم بابا گرو نانک کے جنم دن پر کرتار پور کا راستہ کھول دیں گے۔
نوجوت سنگھ سدھو نے کہا کہ یہ زندگی میں پہلی مرتبہ ہوا تھا کہ کسی نے کرتار پور بارڈر کھولنے کی بات کی ہو، آرمی چیف کے جملے پر ایسا لگا کہ جیسے کنواں خود کسی پیاسے کے پاس چل کر آئے اور اسے سیراب کردے، تو پیاسے کو کیسا محسوس ہوگا؟ جب باجوہ صاحب نے یہ جملے کہے تو مجھے ایسا لگا جیسے انہوں نے پوری کائنات میری جھولی میں ڈال دی ہو۔
سدھو نے کہا کہ عمران خان نے کرتار پور بارڈر کھولنے کا فیصلہ کیا تو ان کے وزرا بالخصوص وزیر خارجہ شاہ محمود قریشی اور وزیر اطلاعات فواد چوہدری نے بھی آواز اٹھائی، یہ آواز میرے ذریعے بھارت تک بھی پہنچی لیکن وہاں سے کوئی مثبت جواب نہیں ملا لیکن پاکستان کی جانب سے بار بار اس فیصلے کو دہرایا گیا اور جب بھارتی حکومت کی جانب سے بھی ہامی بھری گئی تو عمران خان نے جو اپنی پہلی تقریر میں کہا تھا بھارت ایک قدم آگے بڑھے گا تو پاکستان 10 قدم بڑھ کر آئے گا وہ تقریر پوری دنیا پر سچ ثابت ہوگئی۔
نوجوت سنگھ سدھو کا کہنا تھا کہ کرتار پور راہداری کی تاریخ میں پاکستان کے وزیر اعظم عمران خان کا نام پہلے صفحے پر لکھا جائے گا، میں عمران خان کو بہت عرصے سے جانتا ہوں ان پر جتنا مشکل وقت آئے گا وہ اتنا ہی مضبوط ہوتے جائیں گے، وہ بہت ہی دلیر، مخلص اور عوام کا درد رکھنے والے انسان ہیں، اسی درد اور محبت نے انہیں سیاست جیسے دلدل میں کودنے پر مجبور کیا۔
بھارتی وزیر نے مزید کہا کہ ملک کی سرکار لوگوں کی آواز ہوتی ہے، کوئی ملک اکیلے کچھ نہیں کرسکتا، دونوں کو آگے بڑھنے کے لیے قدم اٹھانا ہوگا، کرتار پور کے علاوہ بھی پاکستان اور بھارت کو ایک دوسرے کے لیے دلوں کو وسیع کرنا ہوگا، اگر راستے کھلیں گے تو دونوں ممالک کے عوام میں تعلقات بہتر ہونے کے ساتھ تجارت بھی ہوگی، اسی میں دونوں ممالک کی ترقی کا راز چھپا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔