- انٹربینک مارکیٹ میں ڈالر کی قدر میں محدود اضافہ، اوپن مارکیٹ میں کمی
- چھوٹا سا غار جس میں داخل ہونے والے کی موت قطعی ہے
- بچوں اور نوجوانوں میں کاہلی کا رجحان قلبی مسائل کا سبب بن سکتا ہے، تحقیق
- کوانٹم کمپیوٹر ٹیکنالوجی میں اہم پیشرفت
- 9 مئی کو پاکستان اور اداروں کے خلاف بغاوت کی گئی، وزیراعظم
- نئے مالی سال میں دوست ممالک سے 12 ارب ڈالر کا قرض رول اوور کرانے کا فیصلہ
- فلائی جناح کا اسلام آباد اور مسقط کے درمیان نئے انٹرنیشنل روٹ کا آغاز
- اسرائیل کے فضائی حملے میں حماس کے نیول کمانڈر شہید
- پی ایس ایل10؛ آئی پی ایل سے ٹکراؤ کی صورت میں کیا فائدے مل سکتے ہیں؟
- ایبسلوٹلی ناٹ کہنے والے اب امریکی سفیر سے مل رہے ہیں، وفاقی وزرا
- حکومتی امور میں مداخلت نہیں چاہتے لیکن بتائیں غریب کا کیا گناہ ہے؟ چیف جسٹس
- اسلام آباد پولیس نے عام افراد کا ریڈ زون میں داخلہ بند کردیا
- بھارتی فوج کی سرحد پر فائرنگ؛2 بنگلادیشی نوجوان جاں بحق
- ججز کے خلاف مہم کا معاملہ سماعت کے لیے مقرر
- بشام حملے میں دہشتگردوں کے تانے بانے افغانستان سے ملتے ہیں، ترجمان دفتر خارجہ
- سانحہ 9 مئی؛ وزیراعظم کی صدارت میں کابینہ کا خصوصی اجلاس جاری
- عامر کا ویزہ ایشو؛ پی سی بی نے کرکٹ آئرلینڈ کو خبردار کردیا
- 9 مئی کے منصوبہ سازوں اور سہولت کاروں کیساتھ کوئی سمجھوتا نہیں ہوگا، آئی ایس پی آر
- کراچی کے بجلی صارفین کیلیے قیمت میں 18.86 روپے اضافے کی درخواست
- لاہور اور کراچی سے حج پروازوں کا آغاز؛ اللہ کے مہمان حجاز مقدس روانہ
کرتارپور راہداری، بھارت میں پھوٹی چنگاری
آرمی چیف جنرل قمر جاوید باجوہ سے بھارتی کرکٹر نوجوت سنگھ سدھو کی ’’جپھی‘‘ سے شروع ہونے والا سفر کرتار پور راہداری کے کھلنے تک جاپہنچا۔ دنیا جسے امن کا راستہ قرار دے رہی ہے، بھارتی حکومت اور میڈیا اسے منفی گردانتے ہوئے ہنگامہ بپا کیے ہوئے ہیں۔
جس بھارتی میڈیا کو سدھو کی جپھی ناگوار گزری تھی اسے گوپال چاولہ کا آرمی چیف سے ہاتھ ملانا ایک آنکھ نہیں بھایا۔ سکھ کمیونٹی جسے اپنی خوشی اور عید کا دن قرار دے رہی ہے، بھارتی حکومتی اسی پر ماتم کناں ہے۔ بھارت کا اعتراض ہے کہ خالص مذہبی تقریب کو سیاسی بنادیا گیا، ان کو وزیراعظم کے کشمیر کا ذکر کرنے کا بھی غصہ ہے۔
#PakInsultsIndia It is now Pakka that Pakistan is using Sidhu to ignite the Khalistan movement in India. Don't know why this traitor has been allowed to roam free?
— Totlani Krishan (@kktotlani) November 28, 2018
جنرل باجوہ سے خالصتان تحریک سے منسلک رہنما گوپال چاولہ کے ہاتھ ملانے پر شدید ردعمل سامنے آیا ہے۔ بھارت نے ایک بار پھر پاکستان پر شدت پسندوں کی سرپرستی کرنے کا الزام عائد کیا ہے۔ بھارت کہتا ہے کہ کرتار پور راہداری مقدس لیکن کشمیر انڈیا کا اٹوٹ انگ ہے۔ ایک چینل نے اس راہداری کو خالصتان کے قیام کےلیے پل قرار دے دیا۔ بھارتی حکومت نے کرتار پور راہداری کھولنے کا فیصلہ قبول کرکے کڑوا گھونٹ پی تو لیا ہے لیکن اب اس سے ہضم نہیں ہو پارہا۔ اب یہ نہ قے کرسکتا ہے اور نہ اسے حلق سے نیچے لے جاسکتا ہے۔ بھارتی حکومت اور اس کا میڈیا سمجھ رہے ہیں کہ یہ صرف راہداری ہی نہیں بلکہ کمزور پڑتی خالصتان تحریک کو پھر تقویت دینے کا بہانہ ہے۔ اسے یہ بھی خدشہ ہے کہ اگر سکھ اس کے ہاتھ سے نکلتے ہیں تو کشمیر سے بھی گرفت ختم ہوجائے گی۔
https://twitter.com/MahaBharat2019/status/1067820334487810048
#PakInsultsIndia | It's very interesting that Pakistan has no friends in its neighbourhood. But today we have Pak apologists in India: Lalit Ambardar, Kashmiri Activist pic.twitter.com/7Q3FQnm44O
— Republic (@republic) November 28, 2018
بھارت حسب روایت اسے تکمیل تک پہنچنے سے پہلے ہی متنازع بنانا چاہتا ہے۔ کسی حد تک اس کے خدشے میں وزن بھی ہے کیونکہ اس راہداری کی جیو پولیٹیکل اہمیت بھی ہے۔ پاکستانی پنجاب، بھارتی پنجاب سے کلچر اور زبان کا رشتہ رکھتا ہے۔ اگر یہاں امن ہوتا ہے تو پاکستان کی مشرقی سرحد محفوظ ہوجائے گی، پاکستان کو ہندو ذہنیت سے خطرہ کم ہوگا۔
یاد رہے کہ وزیراعظم عمران خان نے جس منصوبے کا سنگ بنیاد رکھا ہے، اس پر چھ ماہ میں کام مکمل کرنے کا ہدف مقرر کیا گیا ہے۔ فیز ون میں نالہ بئیں اور دریائے راوی پر دو پل بنائے جائیں گے۔ سڑک کی تعمیر کےلیے سروے مکمل کر لیا گیا ہے۔ سڑک بھارتی سرحد میں قائم درشن پوائنٹ تک بنے گی جہاں بھارتی حکومت اپنے علاقے میں کوریڈور کا کام مکمل کرے گی۔ اس منصوبے سے جہاں سکھ برادری کو مذہبی فائدہ ہوگا، یہاں کے رہنے والوں کی معاشی حالت بھی بہتر ہوجائے گی۔ روزانہ ہزاروں لوگ یہاں آئیں گے، بازار بنیں گے، ہوٹل اور مصنوعات کی خریداری کے پوائنٹس بنیں گے، سرحد کے دونوں طرف زندگی خوشحال ہوجائے گی۔
#Kartarpur: Khalistani terrorist Gopal Chawla seen with Pakistan army chief https://t.co/1rJCquOSFA pic.twitter.com/MQoEq5GxsP
— Times of India (@timesofindia) November 28, 2018
RSN Singh, Author with his views on India Upfront | #PakTerrorDiplomacy pic.twitter.com/beo48EgOsV
— TIMES NOW (@TimesNow) November 28, 2018
یہ فاصلہ مٹانے کی ایک زبردست کاوش ہے۔ جو لوگ واہگہ کے ذریعے آیا کرتے تھے، جو چار سو کلومیٹر کا راستہ تھا، یہ اب چار کلومیٹر تک محدود ہوگیا ہے۔ راستے کم ہوگئے ہیں، جب راستے کم ہوں گے اور آمدورفت میں اضافہ ہوگا تو تعلقات میں بہتری آئے گی۔ بقول وزیر خارجہ شاہ محمود قریشی، پہلے دن سے وزیراعظم عمران خان کی خواہش تھی کہ ہمارے خطے میں امن ہو۔ تاریخی تنازعات ہیں، تو ان کا حل کیا ہے؟ جنگ تو حل نہیں۔
@sherryontopp dont come home …u had surrendered all your credibilty working with the agenda of #Pakistan sharing platforms #Khalistani Terrorist gopal chawla.u allowed @ImranKhanPTI to insult our PM .#SidhuKhalistanPhoto #sidhubetrayed
— Baba Manish Nag (@manish_ng) November 29, 2018
دونوں ایٹمی طاقتیں ہیں، لڑائی کرنا تو خوکشی کے مترادف ہوگا، لڑائی کی تو گنجائش ہی نہیں۔ تو پھر راستہ کیا ہے؟ پاکستان اور بھارت دونوں کو امن کا راستہ تلاش کرنا چاہیے نہ کہ آگ کی طرف بڑھنا چاہیے۔ مودی کی انتہاء پسند حکومت اپنی روایتی ہٹ دھرمی سے ہٹ کر مسئلہ کشمیر کے حل کی طرف آئے، ہم سے پیار کرے تو ہم بھی پیار دیں گے۔ بقول ساحر لدھیانوی
خون اپنا ہو یا پرایا ہو
نسل آدم کا خون ہے آخر
جنگ مشرق میں ہو کہ مغرب میں
امن عالم کا خون ہے آخر
بم گھروں پر گریں کہ سرحد پر
روحِ تعمیر زخم کھاتی ہے
کھیت اپنے جلیں کہ اوروں کے
زیست فاقوں سے تلملاتی ہے
ٹینک آگے بڑھیں کہ پیچھے ہٹیں
کوکھ دھرتی کی بانجھ ہوتی ہے
فتح کا جشن ہو کہ ہار کا سوگ
زندگی میتوں پہ روتی ہے
جنگ تو خود ہی ایک مسئلہ ہے
جنگ کیا مسئلوں کا حل دے گی
آگ اور خون آج بخشے گی
بھوک اور احتیاج کل دے گی
اس لیے اے شریف انسانو!
جنگ ٹلتی رہے تو بہتر ہے
آپ اور ہم سبھی کے آنگن میں
شمع جلتی رہے تو بہتر ہے
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 1,000 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹوئٹر آئی ڈیز اور اپنے مختصر مگر جامع تعارف کے ساتھ [email protected] پر ای میل کردیجیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔