دورانِ فیلڈنگ پرتھوی شا کا بایاں ٹخنہ مڑگیا، ایڈیلیڈ ٹیسٹ سے باہر

سڈنی:  نوجوان بھارتی بیٹسمین پرتھوی شا آسٹریلیا کیخلاف 6 دسمبر سے ایڈیلیڈ میں شیڈول پہلے ٹیسٹ سے باہر ہوگئے۔

پرتھوی شا سی اے الیون کیخلاف جاری چار روزہ میچ میں تیسرے دن حریف اوپنر میکس برائنٹ کا کیچ تھامنے کی کوشش میں انجرڈ ہوئے،ان کے بایاں ٹخنہ بری طرح مڑگیا،تکلیف سے کراہتے پرتھوی شا کوگرائونڈ میں موجود طبی اسٹاف سہارا دے کر میدان سے باہر لے گیا جس کے بعد انھیں مزید چیک اپ کے لیے مقامی اسپتال بھی لے جایاگیا۔

بعدازاں اسکین ٹیسٹ رپورٹ میں انجری کے سنگین ہونے کی تصدیق ہوگئی۔