- ملیر میں ڈکیتی مزاحمت پر خاتون قتل، شہریوں کے تشدد سے ڈاکو بھی ہلاک
- افغانستان میں طوفانی بارش سے ہلاکتوں کی تعداد 70 ہوگئی
- فوج نے جنرل (ر) فیض حمید کیخلاف الزامات پر انکوائری کمیٹی بنادی
- ٹی 20 ورلڈ کپ: ویرات کوہلی کو بھارتی اسکواڈ میں شامل کرنے کا فیصلہ
- کراچی میں ڈاکو راج؛ جماعت اسلامی کا ایس ایس پی آفسز پر احتجاج کا اعلان
- کراچی؛ سابق ایس ایچ او اور ہیڈ محرر 3 روزہ ریمانڈ پر پولیس کے حوالے
- شمالی وزیرستان میں پاک-افغان سرحد پر دراندازی کی کوشش کرنے والے7دہشت گرد ہلاک
- کیا یواے ای میں ریکارڈ توڑ بارش ’’کلاؤڈ سیڈنگ‘‘ کی وجہ سے ہوئی؟ حکام کی وضاحت
- اسلام آباد میں غیرملکی شہری کو گاڑی میں لوٹ لیا گیا
- بیلف اعظم سواتی کو ایف آئی اے سائبر کرائم سے برآمد کراکے پیش کرے، عدالت
- بلوچستان کے مختلف اضلاع میں طوفانی بارش کا سلسلہ جاری، ندی نالوں میں طغیانی
- قومی ٹیم میں تمام کھلاڑی پرفارمنس کی بنیاد پر آتے ہیں، بابراعظم
- فوج کی کسی شخصیت کا نام لینا اور ادارے کا نام لینا علیحدہ باتیں ہیں، بیرسٹر گوہر
- قائد اعظم یونیورسٹی شعبہ جاتی کارکردگی میں عالمی سطح پر بہترین جامعات میں شامل
- سابق ٹیسٹ کپتان سعید انور جعلی سوشل میڈیا اکاؤنٹ سے پریشان
- کنگنا رناوت کی بکواس کا جواب دینا ضروری نہیں سمجھتی؛ پریانکا گاندھی
- سائفر کیس میں وزارتِ خارجہ کے بجائے داخلہ مدعی کیوں بنی، چیف جسٹس اسلام آباد ہائیکورٹ
- اسٹاک مارکیٹ میں مندی کا رجحان، انڈیکس 70 ہزار 333 پوائنٹس پر بند
- 19 ویں صدی کے قلعہ سے 100 برس پُرانی برطانوی ٹرین کار دریافت
- وزن کم کرنیوالی ادویات اور خودکشی کے خیالات میں تعلق کے متعلق اہم انکشاف
ماہرین درد کے علاج کا انقلابی طریقہ ڈھونڈنے میں کامیاب
ہارورڈ: محققین جسمانی درد کی جڑ اور اس کے جسم میں پھیلاؤ کا ’نیورو لوجیکل پاتھ‘ ڈھونڈنے میں کامیاب ہوگئے۔
سائنسی جریدے نیچر میں شائع ہونے والے تحقیقی مقالے نے درد کے علاج میں انقلابی تبدیلی کی راہ ہموار کردی ہے۔ ماہرین ان سوالات کے جواب جاننے میں کامیاب ہوگئے کہ چوٹ لگنے کے بعد نیورون دماغ سے پیغامات کی ترسیل کس طرح انجام دیتے ہیں اور کیسے درد کا احساس زخم مندمل نہ ہونے تک برقرار رہتا ہے۔
ہارورڈ میڈیکل اسکول کے تحقیق کار چوہوں پر تحقیق کے دوران درد کے ’نیورو لوجیکل پاتھ‘ کا پتا چلانے میں کامیاب ہوگئے۔ یہ وہ گزر گاہ ہے جہاں سے درد کا احساس لیے ہوئے نیورون سفر کرتے ہیں اور جن کا اسٹیشن دماغ ہے۔ نیورون کا ایک سیٹ پر مشتمل گچھا جسم میں درد کے احساس کی ترسیل کا کام انجام دیتا ہے۔
جب چوٹ لگتی ہے تو دفاعی نظام بھی متحرک ہوجاتا ہے، یہ نظام دہرا ہوتا ہے اور دونوں نظام الگ الگ نیورونز سے کنٹرول کیے جاتے ہیں۔ ایک نظام چوٹ کے نتیجے میں جراثیم کے حملے کو روکتا ہے تو دوسرا چوٹ کے مضمرات کو کم کردیتا ہے۔ اگر اس عمل کو زیادہ متحرک کردیا جائے تو چوٹ بھی فوری مندمل ہوسکتی ہے اور درد کا احساس بھی کم ہوجائے گا۔
ماہرین کا خیال ہے کہ قبل ازیں درد کے لیے دی جانے والی ادویات صرف درد کے احساس کو ختم کردیتی تھیں، زخم کے مندمل ہونے کے فطری عمل میں تیزی یا مستعدی لانے کے لیے کوئی کردار ادا نہیں کر پاتی تھیں۔ اس نئی تحقیق سے زخم کے جلدی مندمل ہونے اور درد کے احساس کو مکمل طور پر ختم کرنے میں مدد ملے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔