امریکی ریاست کیلیفورنیا کے جنگل میں لگی آگ پر اب تک قابو نہیں پایا جاسکا جب کہ مزید 6 ہزار افراد کو علاقہ چھوڑنے کا حکم دے دیاگیا ہے۔
غیر ملکی میڈیا کے مطابق امریکی ریاست کیلفورنیا کے جنگل میں لگی آگ 6 روز بعد بھی بجھائی نہ جاسکی۔ اب تک 27 ہزار ایکڑ اراضی جل کر خاکستر ہوچکی ہے جب کہ درجنوں عمارتیں جل کر راکھ ہوگئیں ہیں تاہم اب تک کسی بھی قسم کے جانی نقصان کی اطلاع نہیں ملی۔
انتظامیہ کے مطابق ریسکیو آپریشن میں تین ہزار سے زائد فائر فائٹرز حصہ لے رہے ہیں جب کہ ہیلی کاپٹرز اور خصوصی طیارے بھی آپریشن کا حصہ ہیں۔ انتظامیہ آگ لگنے کی وجوہات معلوم کرنے کی کوشش کررہی ہے۔
