ایل او سی پر بھارتی اشتعال انگیزی میں شہری زخمی

گزشتہ ہفتے بھارتی فورسز کی ایل او سی پر فائرنگ سے پاک فوج کے 2 جوانوں سمیت 4 شہری شہید ہوگئے تھے فوٹو: فائل

---

لائن آف کنٹرول پر بھارتی فورسز کی فائرنگ کے نتیجے میں ایک شہری زخمی ہوگیا۔

لائن آف کنٹرول پر بھارتی فورسز کی اشتعال انگیزی کا سلسلہ جاری ہے، بھارتی فورسز کی فائرنگ کے نتیجے میں سر میں گولی لگنے سے ایک شہری زخمی ہوگیا جس کو اسپتال منتقل کردیا گیا ہے۔ زخمی شہری کی شناخت شرافت کے نام سے ہوئی ہے جو درہ شیر خان چھاء کا رہائشی ہے۔

اس خبر کو بھی پڑھیں : ایل او سی پر بلااشتعال فائرنگ؛ پاک فوج کے 2 جوان شہید

واضح رہے کہ پاک فضائیہ کی جانب سے 2 بھارتی طیارے مار گرائے جانے کے بعد لائن آف کنٹرول پر بھارتی فورسز کی بلا اشتعال فائرنگ کا سلسلہ جاری ہے، گزشتہ ہفتے بھارتی فورسز کی ایل او سی پر فائرنگ کے نتیجے میں پاک فوج کے 2 جوانوں سمیت 4 شہری شہید اور خاتون سمیت 2 افراد زخمی ہوگئے تھے۔