- عدالتی امور میں مداخلت مسترد، معاملہ قومی سلامتی کا ہے اسے بڑھایا نہ جائے، وفاقی وزرا
- راولپنڈی میں معصوم بچیوں کے ساتھ مبینہ زیادتی میں ملوث دو ملزمان گرفتار
- تیسرا ٹی ٹوئنٹی: آئرلینڈ کی پاکستان کیخلاف بیٹنگ جاری
- دکی میں کوئلے کی کان پر دہشت گردوں کے حملے میں چار افراد زخمی
- بنگلادیش نے ٹی ٹوئنٹی ورلڈ کپ کیلئے اسکواڈ کا اعلان کردیا
- 100 دنوں میں 200 فلائٹس کے مسافر بیگز سے سونا چوری کرنے والا ملزم گرفتار
- سنی اتحاد کونسل نے چیئرمین پی اے سی کیلئے شیخ وقاص اکرم کا نام اسپیکر کو بھیج دیا
- آزاد کشمیر میں احتجاج کے دوران انسانی جانوں کے ضیاع پر افسوس ہے، وزیراعظم
- جنوبی وزیرستان کے گھر میں ہونے والا دھماکا ڈرون حملہ تھا، رکن اسمبلی کا دعویٰ
- دنیا کا گرم ہوتا موسم، مگرناشپاتی کے لیے سنگین خطرہ
- سائن بورڈ کے اندر سے 1 سال سے رہائش پذیر خاتون برآمد
- انٹرنیٹ اور انسانی صحت کے درمیان مثبت تعلق کا انکشاف
- ڈالر کے مقابلے میں روپے کی قدر میں اضافے کا سلسلہ جاری
- بنگلادیشی لڑاکا طیارہ فلمی کرتب دکھانے کی کوشش میں تباہ؛ ویڈیو وائرل
- پنجاب میں پبلک پرائیویٹ پارٹنرشپ کو مثالی بنائیں گے، مریم اورنگزیب
- آڈیو لیکس کیس میں مجھے پیغام دیا گیا پیچھے ہٹ جاؤ، جسٹس بابر ستار
- 190 ملین پاؤنڈ کرپشن کیس میں عمران خان کی درخواست ضمانت پر فیصلہ محفوظ
- غزہ میں اسرائیل کا اقوام متحدہ کی گاڑی پر حملہ؛ 2 غیر ملکی اہلکار ہلاک
- معروف سائنسدان سلیم الزماں صدیقی کے قائم کردہ ریسرچ سینٹر میں تحقیقی امور متاثر
- ورلڈ کپ میں شاہین، بابر کا ہی نہیں سب کا کردار اہم ہوگا، سی ای او لاہور قلندرز
پاکستان میں جلد غیر ملکی ٹیموں کی آمد شروع ہوجائے گی، آئی سی سی چیف
کراچی: آئی سی سی کے چیف ایگزیکٹیو ڈیو رچرڈسن نے کہا ہے کہ پاکستان اپنے خطرناک ترین دور سے نکل آیا،جلد غیرملکی ٹیموں کی آمد بھی شروع ہو جائے گی۔
پی ایس ایل کا انعقاد خوش آئند ہے،ملک میں آہستہ آہستہ کرکٹ واپس آرہی ہے،بھارت نے آئی سی سی کے معاہدے پر دستخط کیے ہیں، ٹیم قوانین کے مطابق ورلڈکپ میں پاکستان سے کھیلنے کی پابند ہے، البتہ دوطرفہ سیریز کا فیصلہ دونوں بورڈز کرتے ہیں،انھوں نے ان خیالات کا اظہار اتوار کی شب نیشنل اسٹیڈیم کراچی میں پریس کانفرنس سے خطاب کرتے ہوئے کیا، بھارت کے پاکستان سے ورلڈکپ میچ نہ کھیلنے کے سوال پر رچرڈسن نے کہا کہ میگا ایونٹ میں شریک تمام ممالک نے ایک معاہدے پر دستخط کیے ہیں جس کے تحت وہ ایک دوسرے سے کھیلنے کے پابند ہیں۔
اگر کوئی ٹیم کسی سے نہ کھیلے تو حریف کو پوائنٹس دے دیے جاتے ہیں، انھوں نے کہا کہ ایک زمانہ تھا کہ پاکستان خطرناک ملکوں میں شمار ہوتا ہے، جس کے باعث غیر ملکی کرکٹرز یہاں آنے سے اجتناب برتتے تھے،حال ہی میں نیوزی لینڈ کا واقعہ پیش آگیا، پاکستان اس مشکل دور سے گزرا ہے،اس نے بہادری کے ساتھ سنگین حالات کا مقابلہ کیا، جو کچھ نیوزی لینڈ میں ہوا پاکستان میں ایسا ہی ہوتا تھا، یہ ملک ایسے حالات سے نمٹنے کے حوالے سے مثال ہے۔
مشکل دور میں بھی پاکستانی کھلاڑیوں نے کرکٹ کھیلی اوربہت سی کامیابیاں بھی سمیٹیں،اب ملک میں صورتحال بتدریج تبدیل ہورہی ہے، پاکستان قدم بقدم آگے بڑھ رہا ہے،آہستہ آہستہ غیرملکی ٹیموں کی آمد بھی شروع ہو جائے گی،انھوں نے کہا کہ پاکستان نے کرکٹ کی واپسی کیلیے بہت کوششیں کیں، آئی سی سی ان تمام معاملات پر پی سی بی کے ساتھ ہے، رچرڈسن نے کہا کہ میں پی سی بی کا شکر گزار ہوں جس نے مجھے پی ایس ایل فائنل اور اختتامی تقریب میں مدعو کیا،بورڈ کے ساتھ تعاون جاری رکھیں گے،غیر ملکی کھلاڑیوں کا بھی شکریہ جو کراچی آئے،پاکستان کیخلاف ایک سوچ ہے کہ یہاں حالات خراب ہیں، پی ایس ایل میچز کے انعقاد سے یہ تاثر غلط ثابت ہوگیا،سیکیورٹی کے حوالے سے آئی سی سی اپنا کام کر رہی ہے۔
ورلڈ کپ کے حوالے سے تمام خدشات کو دور کیا جائے گا،ایک سوال پر انھوں نے کہا کہ بھارتی ٹیم نے آرمی کیپس پہن کر دراصل ہلاک ہونے والوں سے اظہار یکجہتی کا پیغام دینا چاہا تھا، رچرڈسن نے کہا کہ پی سی بی انٹرنیشنل کرکٹ کیلیے رکن ممالک کو دعوت دے ہم تعاون کریں گے، نیوٹرل رہنا ہماری ذمہ داری ہے،پی سی بی پاکستان میں انٹرنیشنل کرکٹ کی بحالی کیلیے ثابت قدم ہے،باہمی تعلقات کی وجہ سے پاک بھارت سیریز کا انعقاد متاثر ہوا ہے، دو طرفہ سیریزکیلیے بورڈز ہی فیصلہ کرتے ہیں،آئی سی سی پاکستان میں انٹرنیشنل کرکٹ کی بحالی میں بھرپور تعاون کرے گی، انھوں نے کہا کہ ویمن کرکٹ پروگرام پرعمل کرنا رکن ممالک کی ذمہ داری ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔