وزیر اعظم ناروے رائے عامہ کا جائزہ لینے کیلیے ٹیکسی ڈرائیور بن گئے

ناروے کے وزیراعظم نے عینک اور ٹیکسی ڈرائیور کی یونیفارم پہنی اورٹیکسی لے کرناروے کے دارالحکومت اوسلو کی سڑکوں پر آ گئے


APP August 13, 2013
ناروے کے وزیراعظم نے عینک اور ٹیکسی ڈرائیور کی یونیفارم پہنی اورٹیکسی لے کرناروے کے دارالحکومت اوسلو کی سڑکوں پر آ گئے. فوٹو : فائل

ناروے کے وزیراعظم جنزاسٹولٹنبرگ رائے عامہ کا جائزہ لینے کے لیے ٹیکسی ڈرائیور بن گئے۔

ناروے کے وزیراعظم نے عینک اور ٹیکسی ڈرائیور کی یونیفارم پہنی اورٹیکسی لے کرناروے کے دارالحکومت اوسلو کی سڑکوں پر آ گئے۔ وزیراعظم کا خیال تھا کہ لوگ ٹیکسی ڈرائیورکے ساتھ کھل کراور کسی جھجک کے بغیراپنی رائے کا اظہارکرتے ہیں۔ وزیراعظم نے اپنی شناخت صرف اس وقت ظاہرکی جب ان کوپہچان لیا گیا۔

سواریوں کے ساتھ بات چیت خفیہ طور پرریکارڈکی گئی جسے بعدازاں وزیراعظم کی فیس بک پرڈال دیا گیا ۔ زیادہ ترسواریوں کوبہت جلد احساس ہوگیا ٹیکسی ڈرائیور میں کوئی خاص بات ہے۔کچھ نے کہا کہ تم بالکل وزیراعظم کی طرح دکھائی دیتے ہو۔