گیس کمپنی کے ملازم کا یوم آزادی پر اقدم خودسوزی

خودسوزی کی کوشش کرنیوالے سوئی سدرن گیس کمپنی کے عارضی ملازم پیر بخش بگھیو سے پولیس اہلکارتیل کی بوتل چھین رہے ہیں فوٹو: شاہد علی/ ایکسپریس

---

جشن آزادی کے موقع پر حیدرآباد میں سوئی سدرن گیس کمپنی کے کانٹریکٹ ملازم پیر بخش بگھیو نے مستقل نہ کیے جانے کے خلاف احتجاجاً خود سوزی کی کوشش کی، تاہم اسے وہاں موجود پولیس اہلکاروں اور دیگر لوگوں نے بچالیا۔

اس موقع پر اس نے بتایا کہ وہ سوئی سدرن گیس کمپنی میں گزشتہ 20 برسوں سے عارضی ملازم کی حثیت سے کام کررہا ہے لیکن اس کے باوجود اسے ملازمت پر مستقل نہیں کیا جارہا ہے جب کہ انتظامیہ نے اس کے ساتھ کام کرنے والے تمام عارضی ملازمین کو مستقل کردیا ہے۔



اس نے بتایا کہ کہ وہ اور اس کے بچے مستقل نہ کرنے پر سوئی گیس انتظامیہ کے خلاف گزشتہ 2 ماہ سے پریس کلب کے باہر مظاہرہ کر رہا ہے لیکن کوئی سنوائی نہیں ہورہی ہے اوراسی وجہ سے اس نے سوئی گیس انتظامیہ سے مایوس ہوکر جشن آزادی کے روز احتجاجاً پریس کلب کے سامنے خود پر پٹرول چھڑک کر خود سوزی کی کوشش کی۔