پاکستانی فنکاروں کے درمیان فٹنس کا مقابلہ

40 سال سے زائد کی عمر میں بھی ہمایوں سعید بالی ووڈ خانز کی طرح اسمارٹ نظر آتے ہیں فوٹوفائل

---

بالی ووڈ فنکاروں کی تو خود کو فٹ رکھنے کے لیے جم میں ورزش کرتے ہوئے ویڈیوز وائرل ہوتی رہتی ہیں تاہم اب پاکستانی فنکاروں نے بھی خود کو فٹ اور اسمارٹ رکھنے کے لیے ورزش کرنے کی ویڈیوز سوشل میڈیا پر شیئر کی ہیں۔

پاکستانی سپر اسٹار ہمایوں سعید بالی ووڈ کے کسی خان سے کم نہیں، 40 سال سے زائد کی عمر میں بھی ہمایوں سعید بالی ووڈ خانز کی طرح اسمارٹ نظر آتے ہیں، تاہم وہ خود کو فٹ رکھنے کے لیے سخت محنت کرتے ہیں۔ حال ہی میں انہوں نے جم میں ورزش کرتے ہوئے ویڈیو سوشل میڈیا پر شیئر کی ہے جس میں وہ فٹ رہنے کے لیے سخت محنت کرتے نظر آرہے ہیں اس کے ساتھ ہی انہوں نے مداحوں کو اپنے کھانے پینے کے شوق سے متعلق بتاتے ہوئے کہا جب نہاری کھانے کا بہت شوق ہو تو پھر اگلی فلم تک فٹ ہونے کے لیے یہ سب تو کرنا پڑتا ہے۔

Jab biryani aur nihari khanay ka bohat shouq ho toh phir agli film tak fit honay kay liay yeh sab toh karna parta hai pic.twitter.com/Q6GXusrBQm

— Humayun Saeed (@iamhumayunsaeed) April 14, 2019

صرف ہمایوں سعید ہی خود کو فٹ رکھنے کے لیے ورزش نہیں کرتے بلکہ نامور اداکارہ ماورا حسین اورعلی ظفر نے بھی اپنی ورک آؤٹ کرتے ہوئے ویڈیوز شیئر کی ہیں اور بتایا ہے کہ وہ بھی ہمایوں سعید سے کم نہیں۔ ماورا حسین کی جانب سے شیئر کی جانے والی ویڈیو میں وہ بالکل اسی طرح ورزش کرتی نظر آرہی ہیں جیسے ہمایوں سعید کررہے ہیں۔

Aik nihari khanay wala hee doosray nihari khanay walay ki majboori samajh sakta hai 😂😂😂 @iamhumayunsaeed pic.twitter.com/XvHo2LGUhk

— MAWRA (@MawraHocane) April 15, 2019

علی ظفر بھی پیچھے نہیں رہے ہمایوں سعید اورماورا حسین کی دیکھا دیکھی انہوں نے بھی دونوں اداکاروں کے انداز میں ورزش کرنے کی ویڈیو سوشل میڈیا پر شیئر کرتے ہوئے بتایا کہ وہ بھی کسی سے کم نہیں اور وہ فٹ اور اسمارٹ رہنے کے لیے کڑی محنت کرتے ہیں۔

@iamhumayunsaeed 😎 pic.twitter.com/kqgKjnfMFn

— Ali Zafar (@AliZafarsays) April 14, 2019