شوبز شخصیات کی امت مسلمہ کو رمضان کی مبارک باد

ویب ڈیسک  منگل 7 مئ 2019
یہ ماہ صیام ہر کسی کے لئے نہ ختم ہونے والی برکتیں لیکر آئے، علی ظفر۔ فوٹو: فائل

یہ ماہ صیام ہر کسی کے لئے نہ ختم ہونے والی برکتیں لیکر آئے، علی ظفر۔ فوٹو: فائل

ماہ صیام کا چاند نظر آنے پر لوگ اپنے عزیزوں اور دوستوں کو مبارک باد دے رہے ہیں وہیں شوبز شخصیات نے بھی تمام مسلمانوں کو رمضان کی مبارکباد دی ہیں۔

مسلمانوں کے لئے سب سے زیادہ برکتوں والا مہینہ کہلایا جانے والا رمضان کریم اللہ پاک کی طرف سے ایک تحفہ سمجھا جاتا ہے جس میں مسلمان رب العزت کی خوشنودی حاصل کرنے کے لئے اس ماہ صیام کا سارا سال انتظار کرتے ہیں۔

دنیا بھر کی طرح پاکستان میں بھی اس برکتوں والے مہینے کا چاند نظر آتے ہی ایک دوسرے کو مبارک باد دینے کا سلسلہ شروع ہو گیا ہے، وہیں اس خوشی کے موقع پر شوبز شخصیات اپنے مداحوں کو مبارک باد دینا نہ بھولے۔

ہمایوں سعید

اداکار ہمایوں سعید نے سماجی رابطے کی ویب سائٹ ٹوئٹر پر اپنی ایک ٹوئٹ میں اللہ پاک کا شکر ادا کرتے ہوئے کہا کہ ہمیں ایک بار پھر یہ نعمتوں والا مہینہ ملا ہے۔ اللہ پاک ہمیں ماہ صیام سے بھرپور فائدہ اُٹھانے کا موقع عطا فرمائے اور ہم سب کو اپنے مذہبی فرائض کو پورا کرنے کے ساتھ ساتھ ثابت قدم رہنے کی بھی توفیق عطا فرمائے۔

فیصل قریشی

معروف اداکار فیصل قریشی نے بھی اپنی ایک ٹوئٹ میں مداح کو رمضان کی مبارک باد دی۔

ماورا حسین

https://twitter.com/MawraHocane/status/1125197863548534784

عالمی شہرت یافتہ اداکارہ ماورا حسین نے پرجوش انداز میں خوشی کا اظہار کرتے ہوئے کہا کہ میرا سب سے پسندیدہ مہینہ آگیا ہے، اس مہینے میں دنیا کے ہر کونے میں بسنے والے مسلمان روزہ رکھیں گے ساتھ ہی انہوں نے رمضان کی مبارک باد بھی دی۔

علی ظفر

گلوکار و اداکار علی ظفر نے ٹوئٹ میں خوبصورت تصویر مداحوں سے شیئر کی اور مبارکباد دیتے ہوئے کہا کہ یہ ماہ صیام ہر کسی کے لئے نہ ختم ہونے والی برکتیں لے کر آئے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔