پاکستان ریلوے کی انسداد تجاوزات مہمحکمت عملی تیار

آج کمشنر کراچی آفس میں اجلاس کے بعد ریلوے کی اراضی واگزار کرانے کا پلان بنایا جائے گا۔ فوٹو: فائل

---

پاکستان ریلوے نے گرینڈ اینٹی انکروچمنٹ آپریشن کے لیے حکمت عملی مرتب کرلی۔

ایس پی کراچی ریلوے ڈویژن شہلا قریشی نے بتایا کہ پاکستان ریلوے کی اراضی پر قائم تجاوزات کے خلاف آپریشن کے لیے ریلوے پولیس کی نفری کے ساتھ ساتھ ڈسٹرکٹ پولیس سے بھی نفری طلب کی گئی ہے جب کہ ڈی آئی جی ریلوے انسداد تجاوزات آپریشن کی نگرانی کے لیے کراچی پہنچ گئے۔

انھوں نے بتایا کہ آج (منگل کو)کمشنر کراچی آفس میں میٹنگ میں آئندہ کا لائحہ عمل طے کیا جائیگا جس کے بعد ریلوے کی اراضی پر قائم تجاوزات کے خلاف بھرپور آپریشن شروع کیا جائیگا۔