فٹبالر نیمار نے خاتون کا الزام مسترد کردیا

ریوڈی جنیرو:  برازیل کے اسٹار فٹبالر نیمار نے خواتین کی جانب سے دست درازی کیے جانے کے الزامات کی تردید کردی۔

انھوں نے واضح کہا کہ پیرس ہوٹل میں مذکورہ خاتون کے ساتھ انھوں نے کوئی غلط بات نہیں کی تھی،دوسری جانب نیمار کے والد کا کہنا ہے کہ میرے بیٹے کو بلیک میل کیا جارہا ہے، میڈیا رپورٹ کے مطابق مذکورہ خاتون نے دعویٰ کیا ہے کہ نیمار نے بغیر رضامندی کے ان سے تعلق قائم کیا تھا۔

نیمار نے سوشل میڈیا پر کہا کہ مجھ پر ریپ کرنے کا الزام عائد کیا جارہا ہے، یہ بڑا لفظ اور سخت الزام ہے، میرے لیے یہ حیران کن بات ہے۔