آسام سے پرواز بھرنے والا بھارتی فضائیہ کا جنگی طیارہ لاپتہ

1983 میں بھارتی فضائیہ کے بیڑے میں شامل ہونے والے اس طیارے میں 13 افراد سوار تھے، فوٹو : فائل

---

آسام سے ہمالیہ کے لیے پرواز بھرنے والا انڈین ایئرفورس کا جنگی طیارہ لاپتہ ہوگیا۔

بین الاقوامی خبر رساں ادارے کے مطابق بھارتی ریاست آسام کے شہر جرہٹ سے پرواز بھرنے والا بھارتی فضائیہ کے جنگی طیارے AN-32 کا 35 منٹ کی پرواز کے بعد اچانک کنٹرول روم سے رابطہ منقطع ہو گیا تھا۔ طیارے میں عملے سمیت 12 افراد سوار ہیں۔

بھارتی جنگی کی طیارے کی منزل اروناچل پردیش میں ہمالیہ سلسلے کا مشرقی علاقہ سیناگ تھا جو بھارت اور چین کی سرحد پر واقع ہے تاہم طیارہ اپنی منزل تک نہیں پہنچ سکا اور راستے میں ہی لاپتہ ہوگیا ہے۔ AN-32 طیارہ بھارت کے پاس 1983 سے ہے اور اب بھی بھارتی فضائیہ کے بیڑے میں 100 سے زائد AN-32 طیارے موجود ہیں۔

Spoke to Vice Chief of @IAF_MCC, Air Marshal Rakesh Singh Bhadauria regarding the missing IAF AN-32 Aircraft which is overdue for some hours.

He has apprised me of the steps taken by the IAF to find the missing aircraft. I pray for the safety of all passengers on board.

— Rajnath Singh (@rajnathsingh) June 3, 2019

طیارے کی تلاش کا کام شروع کردیا گیا ہے، تلاش مہم کے سلسلے میں طبی سہولیات سے لیس سوکھوئی-30 اور سی-130 طیاروں کو گمشدہ طیارے کے رُوٹ پر بھیج دیا گیا ہے۔ جولائی 2016 میں بھی 29 مسافروں کو لے جانے والا AN-32 طیارہ چینائی سے لاپتہ ہوگیا تھا اور طیارے کا ملبہ بھی نہیں مل سکا تھا۔