یمن میں کئی ماہ قبل دفن کی گئی خاتون کی لاش سے آنے والی خوشبو سے قبرستان مہک اٹھا

ویب ڈیسک  بدھ 4 ستمبر 2013
خاتون کی عمر 20 سے 30 سال کے درمیان تھی اور وہ اپنے گھر میں بچے کو جنم دیتے ہوئے چل بسی تھی۔ فوٹو: فائل

خاتون کی عمر 20 سے 30 سال کے درمیان تھی اور وہ اپنے گھر میں بچے کو جنم دیتے ہوئے چل بسی تھی۔ فوٹو: فائل

یمن کے ایک گاؤں میں طوفانی بارش سے جہاں کئی بہت سے نقصانات ہوئے وہیں مقامی قبرستان میں بھی پانی بھر گیا اورکئی قبریں ٹوٹ گئیں جب کہ مقامی افراد یہ  دیکھ کر حیران رہ گئے  کہ چند ماہ قبل دفن کی جانے والی جوان خاتون کی لاش کئی ماہ کا عرصہ گزرنے کے باوجود صحیح سلامت تھی اور اس کے جسم سے خوشبو بھی آ رہی تھی۔

مقامی اخبار کے مطابق یمن کے مغربی صوبے میں شدید بارشوں کی وجہ سے ایک قبرستان کو شدید نقصان پہنچا اور کئی مردوں کے لاشیں قبریں ٹوٹنے سے باہر آ گئیں، گاؤں کے مکین جب قبروں کی دوبارہ تعمیر کے لیے قبرستان پہنچے تو یہ دیکھ کر حیران رہ گئے کہ 4 ماہ قبل دفن کی جانے والی ایک نوجوان خاتون کی لاش اپنی اصل حالت میں ہی موجود تھی اور اس کی قبر اور جسم سے خوشبو بھی آ رہی تھی۔

گاؤں سے رہائشیوں کا کہنا ہے کہ انہیں قبر کی خوشبو نے تو حیران اور متوجہ تو کیا تاہم خاتون کی لاش کا اپنی اصل حالت میں موجود ہونا ان کے لیے زیادہ حیرت انگیز بات ہے۔ مکینوں کے مطابق خاتون کی عمر 20 سے 30 سال کے درمیان تھی اور وہ اپنے گھر میں بچے کو جنم دیتے ہوئے چل بسی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔