مالی بحران، ملک بھر میں سیکڑوں یوٹیلٹی اسٹور بند کرنے کا فیصلہ

حسیب حنیف  اتوار 8 ستمبر 2019
کم سیل والے اسٹور منافع بخش اسٹوروں میں ضم کیے جائیں گے، ایم ڈی سے رابطہ نہ ہوسکا۔ فوٹو:فائل

کم سیل والے اسٹور منافع بخش اسٹوروں میں ضم کیے جائیں گے، ایم ڈی سے رابطہ نہ ہوسکا۔ فوٹو:فائل

اسلام آباد: یوٹیلیٹی اسٹورز کارپوریشن نے مالی بحران پر قابو پانے کیلیے ملک بھر میں سیکڑوں اسٹور بند کرنے کا فیصلہ کر لیا ہے۔

کارپوریشن نے کم سیل والے اسٹورز بند کرنے کا عمل شروع کر دیا ہے، اب تک شیخوپورہ، بھکر، ڈی آئی خان سمیت دیگر علاقوں میں 28 اسٹور بند کردیے گئے ہیں، مزید اسٹور بند کرنے کا عمل جاری ہے۔

ذرائع کے مطابق خسارے میں چلنے والے اسٹوروں کو منافع بخش اسٹوروں میں ضم کیا جائے گا، ایک لاکھ سے کم سیل والے اسٹوروں کو منافع بخش اسٹوروں میں ضم کیا جائے گا۔

یوٹیلیٹی اسٹورز کارپوریشن سہ ماہی بنیادوں پر کا کر دگی کو مدنظر رکھتے ہوئے اسٹور بند کرے گی۔ اس سلسلے میں ’’ایکسپریس‘‘ نے یوٹیلیٹی اسٹورز کارپوریشن کے ایم ڈی عمر لودھی سے رابطہ کرنے کی کوشش کی لیکن ان سے رابطہ قائم نہ ہو سکا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔