آسٹریلوی ٹیم کے جشن منانے کے انداز پر انگلش شائقین برا مان گئے

سوشل میڈیا پر بھی انھیں تنقید کا نشانہ بنایا جارہا ہے۔

اسپورٹس ڈیسک جمعرات 12 ستمبر 2019

سوشل میڈیا پر بھی انھیں تنقید کا نشانہ بنایا جارہا ہے۔ فوٹو: سوشل میڈیا

مانچسٹر: اولڈ ٹریفورڈ ٹیسٹ میں آسٹریلوی ٹیم کے جشن منانے کے انداز پر انگلش شائقین برا مان گئے۔

اولڈ ٹریفورڈ ٹیسٹ میں کامیابی کے بعد آسٹریلوی ٹیم کے جشن منانے کے انداز پر انگلش شائقین برا مان گئے جب کہ سوشل میڈیا پر بھی انھیں تنقید کا نشانہ بنایا جارہا ہے۔

ہیڈ کوچ جسٹن لینگر نے اپنے پلیئرز کا دفاع کرتے ہوئے کہا کہ میچ کے آخر میں وہ میزبان کھلاڑی جیک لیچ کا نہیں بلکہ ان کے ہی انداز میں گلاسز پہن کر بیٹنگ کرنے والے اپنے سابق بیٹسمین کرس روجرز کا مذاق اڑا رہے تھے جنھوں نے آسٹریلیا کیلیے آخری میچ 2015 میں کھیلا تھا۔