- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
اولمپکس کوالیفائینگ؛ گرین شرٹس کے یورپی ٹیموں سے پریکٹس میچز ہوں گے
لاہور: پاکستان ہاکی فیڈریشن نے ٹوکیو اولمپکس کوالیفائنگ راؤنڈ سے قبل گرین شرٹس کو یورپی ٹیمو ں کیخلاف پریکٹس میچزکیلیے میدان میں اتارنے کا فیصلہ کرلیا۔
پاکستان ہاکی ٹیم کو آئندہ ماہ ٹوکیو اولمپکس کوالیفائنگ راؤنڈ کا چیلنج درپیش ہے،ہالینڈ کے خلاف میزبان ملک میں شیڈول میچز کی تیاری کے لیے گرین شرٹس کا کیمپ نیشنل ہاکی اسٹیڈیم میں جاری ہے،پہلا مرحلہ 18 ستمبر کو مکمل ہوگا، ٹیم مینجمنٹ کی طرف سے پلیئرز کو پریکٹس پلان دیا جائے گا جس کی روزانہ کی بنیاد پر نگرانی واٹس ایپ کے ذریعے بنائے جانے والے گروپ سے کی جائے گی۔
ایک ہفتہ آرام کے بعد پلیئرز دوبارہ 25ستمبر کو کیمپ کمانڈنٹ خواجہ محمد جنید کو نیشنل ہاکی اسٹیڈیم میں ہی رپورٹ کریں گے،ذرائع کے مطابق کیمپ کے دوسرے مرحلے میں لاس اینجلس1984کی فاتح ٹیم کے کپتان منظور جونیئر کی سربراہی میں قائم سلیکشن کمیٹی پلیئرزکی کارکردگی کا بغور جائزہ لے گی اور چیف کوچ کی مشاورت سے اکتوبر کے دوسرے ہفتے میں حتمی اسکواڈ کا اعلان کرے گی۔
مزید معلوم ہوا ہے کہ پاکستان ہاکی فیڈریشن کوالیفائنگ راؤنڈ سے قبل قومی ٹیم کو پریکٹس میچز کھیلنے کے مواقع فراہم کرنا چاہتی ہے، اس حوالے سے فیڈریشن حکام نے جرمنی، بیلجیئم کی فیڈریشنز سے رابطہ کیا ہے،معاملات طے پا جانے کی صورت میں گرین شرٹس یورپی ٹیموں کے ساتھ پریکٹس میچز میں ایکشن میں دکھائی دیں گے۔
یہ بات قابل ذکر ہے کہ بھارت میں شیڈول ورلڈ کپ کے بعد پاکستانی ٹیم پہلی بارکسی انٹرنیشنل ایونٹ کے دوران ایکشن میں دکھائی دیگی،گرین شرٹس نے ارجنٹائن اورآسٹریلیا میں ہونے والے پروہاکی لیگ میں شرکت کرنا تھی لیکن مالی مشکلات کی وجہ سے پاکستانی ٹیم اس ایونٹ کا حصہ نہ بن سکی تھی۔
ادھر پاکستان ہاکی ٹیم کے چیف کوچ خواجہ جنید کا کہنا ہے کہ ٹیم کی تیاریاں درست کی جانب گامزن ہیں،اچھے نتائج دینے کی کوشش کریں گے۔
نمائندہ ’’ایکسپریس‘‘ سے خصوصی بات چیت میں قومی چیف کوچ نے کہاکہ کیمپ میں پلیئرز کو بہترین ٹریننگ کرانے کی کوشش ہو رہی ہے، البتہ یہ حقائق بھی ہمیں ہر گز فراموش نہیں کرنے چاہیے کہ ہالینڈ کا شمار دنیا کی بہترین ٹیموں میں ہوتا ہے جبکہ ہم عالمی رینکنگ میں اس وقت 17ویں نمبر پر ہیں۔
انھوں نے کہا کہ ایک ہفتے کے آرام میں کھلاڑیوں پر یہ بات واضح کردی جائے گی کہ وہ اس دوران بھی بھر پور ٹریننگ کا سلسلہ جاری رکھیں اور اپنی خصوصی مشقوں کے حوالے سے ٹیم مینجمٹ کوآگاہ کرتے رہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔