کیریبیئن لیگ ، شعیب ملک کی ٹیم نےحفیظ کی سائیڈ کو شکست دے دی

اسپورٹس ڈیسک  پير 16 ستمبر 2019
گیانا ایمازون واریئرز نے سینٹ کٹس اینڈ نیوس پیٹریاٹس کو 7 وکٹ سے شکست دے دی۔

گیانا ایمازون واریئرز نے سینٹ کٹس اینڈ نیوس پیٹریاٹس کو 7 وکٹ سے شکست دے دی۔

بیسیٹر:  کیریبیئن پریمیئر لیگ میں شعیب ملک کی ٹیم گیانا ایمازون واریئرز نے محمد حفیظ  کی ٹیم سینٹ کٹس اینڈ نیوس پیٹریاٹس کو 7 وکٹ سے شکست دے دی۔

ناکام ٹیم پہلے بیٹنگ کرتے ہوئے 121 رنز پر آؤٹ ہوگئی، بروکس نے 34 رنز بنائے، حفیظ نے 15 بالز پر ایک چھکے کی مدد سے 14 رنز اسکور کیے، مین آف دی میچ قیس احمد نے 3 جبکہ کیموپال، عمران طاہر اور کرس گرین نے 2، 2 وکٹیں لیں۔

جواب میں گیانا ایمازون نے 3 وکٹ پر 16 ویں اوور میں ہی ہدف حاصل کرلیا، برینڈن کنگ نے 49 رنز بنائے، شعیب ملک 24 رنز پر ناقابل شکست رہے، محمد حفیظ نے ایک وکٹ حاصل کی۔ ۔۔۔۔۔۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔