35 فٹ بلندی سے معجزانہ طور پر رکشا میں گر کر بچہ محفوظ ویڈیو وائرل

بچہ سائیکل رکشا کی پچھلی نشست پر گرنے کے باعث محفوظ رہا (فوٹو : ویڈیو گریب)

---

HYDERABAD: بھارت میں 3 سالہ بچہ اپنے بھائیوں کے ساتھ دوسری منزل کی بالکونی پر کھیلنے کے دوران پھسل کر نیچے گلی میں گرگیا تاہم حیران کن طور پر وہ محفوظ رہا۔

بھارتی میڈیا کے مطابق ریاست مدھیہ پردیش میں حیران کن واقعہ پیش آیا جہاں 3 سالہ بچہ 35 فٹ بلندی پر گھر کی بالکونی میں کھیلتے ہوئے نیچے گرگیا تاہم معجزانہ طور پر عین اسی وقت ایک سائیکل رکشا وہاں سے گزر رہا تھا اور خوش قسمتی سے بچہ نرم دہ سیٹ پر آکر گرا اور محفوظ رہا۔

#WATCH Tikamgarh: A child fell from a building on a rickshaw that was passing on road below. Child's father Ashish Jain says,"He was playing on 2nd floor with family members. He fell from railing after he lost his balance. He was examined at a hospital & is safe". #MadhyaPradesh pic.twitter.com/3yDOzZmB9y

— ANI (@ANI) October 20, 2019

سی سی ٹی وی فوٹیجز میں عقل کو حیران کردینے والا یہ واقعہ محفوظ ہوکر رہ گیا۔ ویڈیو میں دیکھا جا سکتا ہے کہ گلی میں ایک شخص سائیکل رکشا کے ساتھ داخل ہوتا ہے اور جیسے ہی اس گھر کے دروازے پر پہنچتا ہے اچانک ایک بچہ پچھلی نشست پر آکر گرتا ہے۔

حیران اور پریشان رکشا مالک نے فوری طور پر بچے کو گود میں اُٹھایا اس وقت تک گھر کے دیگر افراد بھی باہر آگئے اور بچے کو خوشی سے چومنے لگے۔ بچے کی حالت درست ہے تاہم اسے کچھ معمولی چوٹیں آئی ہیں۔