میڈیا کی ایک بڑی شخصیت نے 13 سال قبل جنسی زیادتی کا نشانہ بنایا فلم ساز جامی

جامی سوشل میڈیا پر می ٹو مہم کی حمایت میں سرگرم رہتے ہیں۔ فوٹو : فائل

---

معروف فلم ساز جامی نے میڈیا کی ایک بڑی اور طاقتور شخص کی جانب سے زیادتی کا نشانہ بنائے جانے کا انکشاف کرتے ہوئے بتایا کہ 13 سال قبل جنسی زیادتی کا نشانہ بنایا گیا جس کے بعد کئی برس تک نفسیاتی اور سماجی مسائل کا سامنا رہا۔

پاکستان میں 'می ٹو' مہم کے تحت خواتین کو اپنی زندگی میں مختلف طاقتور شخصیات کی جانب سے جنسی ہراسانی اور زیادتی کا نشانہ بنائے جانے کے واقعات کو تمام تر سماجی خوف اور معاشی دباؤ کو جھٹک کر سماجی رابطے کی ویب سائٹس پر دلیرانہ طور پر پیش کرنے کی حمایت کرنے والوں میں سے ایک نامور فلم ساز جمشید محمود عرف جامی بھی ہیں۔

Why im so strongly supporting #metoo ? cuz i know exactly how it happens now, inside a room then outside courts inside courts and how a survivor hides confides cuz i was brutally raped by a very powerful person in our media world. A Giant actually. and yes im taller than him but

— jami-ازار (@jamiazaad) October 20, 2019

جامی نے ہمیشہ سے ہی خواتین کو ہراساں کرنے کے خلاف جاری مہم 'می ٹو' کی کھل کر حمایت کی اور اب انہوں نے ایسا کرنے کی وجہ بتاتے ہوئے ٹویٹر پر لکھا کہ میں می ٹو کی حمایت اس لیے کرتا ہوں کیوں کہ میں خود اس صورت حال سے گزرا ہوں، مجھے زندگی کےاس تکلیف دہ، تلخ اور ناقابل یقین واقعے سے پیدا ہونے والے سماجی اور نفسیاتی مسائل سے نبرد آزما ہونے کا تجربہ ہے۔

i know its a suicide what im writing right now but this is important before they harm the movement. I know now they all will attack me also, oh BC why u stayed quiet till now? Oh maan ka L...tuu mard hai ya kunjri? rape kur deita na usska pulut kur etc all attacks but its time.

— jami-ازار (@jamiazaad) October 20, 2019

فلم ساز نے اپنے ساتھ ہونے والے ایک بھیانک حادثے کے متعلق بتایا کہ کیریئر کے آغاز میں پاکستانی میڈیا انڈسٹری کی ایک نامور شخصیت نے 13 سال قبل انہیں جنسی زیادتی کا نشانہ بنایا تھا جس کے بارے میں چند قریبی دوستوں کو بتایا تاہم کسی نے یقین نہیں کیا، مجھے ماہر نفسیات سے رجوع کرنا پڑا اور پھر مکمل طور پر بحالی کے لیے پاکستان چھوڑ کر چلا گیا، میں نے آج تک اس شخص کا نام نہیں لیا، مجھے معلوم ہے کہ میرا ہی مذاق اُڑایا جائے گا اور مجھ پر ہی لعن طعن کی جائے گی۔

I froze not sure why yesss it really happens and happened to me. Till this day 13 years ve passed i curse myself why i didnt take his eyes out but i was so close to this guy a friend, doing his mega shoots for his mega high end books and museum launches etc may be thats why my

— jami-ازار (@jamiazaad) October 20, 2019

واضح رہے کہ جامی کا شمار پاکستان کے بہترین فلم سازوں میں ہوتا ہے جو فلم کے مداحوں کو 'آپریشن 021' اور 'مور' جیسی کامیاب فلمیں دے چکے ہیں اس کے علاوہ انہوں نے کئی گانوں کی ویڈیوز اور اشتہارات کی ہدایت کاری بھی کی ہے۔ علی ظفر کے خوبصورت گانے 'چل دل میرے' کی ویڈیو بھی جامی کا شاندار شاہکار ہے۔