اسرائیل کے مختلف ممالک میں 100 سے زائد سفارت خانے بند

اسرائیلی سفارت خانے 30 اکتوبر سے بدستور بند ہیں۔ فوٹو : ٹویٹر

---

اسرائیل کے دنیا بھر میں سو سے زائد سفارت خانے وزارت خارجہ اور خزانہ کی باہمی چپقلش کے باعث 5 دنوں سے بدستور احتجاجاً بند ہیں۔

بین الاقوامی خبر رساں ادارے کے مطابق امریکا اور جرمنی سمیت درجنوں ممالک میں واقع اسرائیل کے سفارت خانے اور سفارتی مشن دو وزارتوں کے آپسی جھگڑے کے باعث بدستور بند ہیں۔ سفارت خانوں کی سرگرمیاں ٹھپ ہیں اور دروازوں پر 'ہڑتال' کے بینرز آویزاں ہیں۔

اسرائیلی وزارت خارجہ کا کہنا ہے کہ وزارت خزانہ سفارتی عملے کے ساتھ طے پانے والے معاہدے کی خلاف ورزی کررہا ہے جس کی وجہ سے ہم دنیا بھر میں سفارتی مشن بند کرنے پر مجبور ہوگئے ہیں۔

Due to the Israeli Finance Min. @Israel_MOF's breaching of longstanding agreements with @IsraelMFA employees, we are forced to close Israeli missions around the world AS OF TODAY, OCTOBER 30.

No consular services will be provided, entry into the missions will not be allowed👇 pic.twitter.com/f9Y47G8xEK

— Israel Foreign Ministry (@IsraelMFA) October 30, 2019

اسرائیلی وزارت خارجہ نے اپنی ٹویٹ میں مزید لکھا کہ سفارتی دفاتر میں قونصلر خدمات فراہم نہیں کی جائیں گی اور نہ ہی کسی کو سفارتی مشن میں داخل ہونے کی اجازت ہوگی۔

ادھر اسرائیلی وزارت خزانہ نے دفتر خارجہ کے اہلکاروں پر ٹیکس ادا نہ کرنے کا الزام دھرتے ہوئے کہا کہ سفارتی اہلکاروں کو بھی عام شہریوں کی طرح ٹیکس ادا کرنا چاہیے لیکن افسوس وہ خود کو قانون سے بالاتر سمجھتے ہیں۔

We’re on strike!
Due to the decision of the Israeli Ministry of Finance to breach understandings that were agreed upon and signed by them on July 21, 2019, we are forced to close the embassy. No consular services will be provided and no one will be allowed to enter the embassy. pic.twitter.com/sSrpuLJGMm

— Elad Strohmayer 🎗️ (@EladStr) October 30, 2019

واضح رہے کہ اسرائیل میں دوسرے ممالک میں تعینات سفارتی عملے کو کئی برسوں سے ٹیکسوں سے استثنیٰ حاصل تھا جسے حکومت نے ختم کرنے کا فیصلہ کیا تھا تاہم سفارتی ملازمین نے ماننے سے انکار کیا تھا جس پر وزارت خزانہ اور وزارت خارجہ کے درمیان ایک معاہدہ بھی طے پایا تھا۔