آسٹریلوی ہونے کے باوجود شنیرا اکرم کا دل پاکستانی

آسٹریلیا اورپاکستان میں سے کسی ایک کا انتخاب کرنا بہت مشکل ہے، شنیرا اکرم فوٹوفائل

---

SAINT LUCIA: قومی کرکٹ ٹیم کے سابق کپتان وسیم اکرم کی اہلیہ شنیرا نے ہر موقع پر ثابت کیا ہے کہ وہ پاکستان اورپاکستانیوں سے بے حد محبت کرتی ہیں اور اس بار بھی انہوں نے آسٹریلیا کے بجائے پاکستان کے حق میں ٹوئٹ کرکے دل جیت لیے۔

شنیرا اکرم کا تعلق آسٹریلیا سے ہے تاہم وسیم اکرم سے شادی کے بعد وہ مکمل طور پر پاکستانی بن گئی ہیں۔ حال ہی میں پاک آسٹریلیا ٹیسٹ سیریز کے دوران شنیرا نے پاکستان کے حق میں ٹوئٹ کرکے پاکستانیوں کا سر فخر سے بلند کردیا۔

اس خبرکوبھی پڑھیں: ٹماٹروں کی آسمان کو چھوتی قیمت پر شنیرا اکرم کا دلچسپ ٹوئٹ

شنیرا نے ٹوئٹ کرتے ہوئے کہا میرے لیے پاک آسٹریلیا ٹیسٹ سیریز کے دوران آسٹریلیا اورپاکستان میں سے کسی ایک کا انتخاب کرنا بہت مشکل ہے لیکن مجھے یہ اعتراف کرنے میں کوئی عار نہیں کہ جب پاکستان کا قومی ترانہ بجتا ہے تو میری آنکھیں بھیگ جاتی ہیں۔

It’s very hard for me to choose between Australia and Pakistan for the #AUSvPak test but I must admit I just got a little bit emotional when they just played the National Anthem for Pakistan 💚🥰

— Shaniera Akram (@iamShaniera) November 21, 2019

اس سے قبل بھی ماضی میں پاک آسٹریلیا میچ کے دوران شنیرا نے پاکستان کے حق میں ٹوئٹ کرتے ہوئے کہا تھا کہ میں آسٹریلیا میں پیدا ہوئی اور وہیں پلی بڑھی لیکن میں اپنی زندگی پاکستانی عوام کے ساتھ گزارنے آئی ہوں۔ آج میں جو کچھ بھی ہوں اس میں پاکستان کا بہت بڑا حصہ ہے۔ مجھے آسٹریلیا سے محبت ہے اور ہمیشہ رہے گی لیکن میں ہر قدم پر پاکستان کے ساتھ ہوں پاکستان زندہ باد۔

I was born and bred an Australian but I have come to live my life for and with the people of Pakistan. Pakistan has been good to me and plays a big part of who I am today. I love Australia and always will but I am with Pakistan all the way 🇵🇰 Pakistan ZINDABAD

— Shaniera Akram (@iamShaniera) June 13, 2019