- لاہور؛ باغبانپورہ میں پولیس مقابلہ؛ اہلکار شہید، 2 ڈاکو ہلاک
- پاکستان آئی ایم ایف سے مزید 8 ارب ڈالر کے بیل آؤٹ پیکج کا خواہاں ہے، وزیرخزانہ
- قومی کرکٹر اعظم خان نیوزی لینڈ کیخلاف ٹی ٹوئنٹی سیریز سے باہر
- اسلام آباد: لڑکی کا چلتی کار میں فائرنگ سے قتل، باہر پھینک دیا گیا
- کراچی؛ پیپلز پارٹی نے سول ہسپتال کے توسیعی منصوبے کا عندیہ دےدیا
- کچے میں ڈاکوؤں کو اسلحہ کون دیتا ہے؟، سندھ پولیس نے تحقیقات کا آغاز کردیا
- ڈاکٹروں نے بشریٰ بی بی کی ٹیسٹ رپورٹس نارمل قرار دے دیں
- دوسرا ٹی 20؛ پاکستان کی تباہ کن بولنگ، نیوزی لینڈ 90 رنز پر ڈھیر
- جعلی حکومت کو اقتدار میں رہنے نہیں دیں گے، مولانا فضل الرحمان
- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
چیئرمین پی سی بی نے قوم کو صبر کا مشورہ دے دیا
لاہور: پاکستان کرکٹ بورڈ کے سربراہ احسان مانی نے قوم کو صبر کا مشورہ دیدیا۔
پاکستان کی سب سے بڑی کرکٹ ویب سائٹ www.cricketpakistan.com.pk کو خصوصی انٹرویو میں انھوں نے کہا کہ آسٹریلیا کے خلاف مایوس کن پرفارمنس پر پوری قوم کی طرح مجھے بھی دکھ ہے۔
ہمیں اس حقیقت کو ذہن میں رکھنا چاہیے کہ ہمارے کرکٹرز وہاں کی باؤنسی پچز پر کھیلنے کے عادی نہیں،ہم اپنی پچز کو بھی ٹھیک کررہے ہیں،کھلاڑیوں کو اس قابل بنانا چاہتے ہیں کہ جب وہ دیارغیر میں جاکر کھیلیں تو پرفارمنس خراب نہ ہو، ہمیں اس بات کو سمجھنا چاہیے کہ اتنی جلدی توقعات کے مطابق نتائج ملنا مشکل ہوتے ہیں، وقت دینا پڑے گا، ایک سال تک ساری چیزیں مانیٹر کریں گے۔
اگر پھر بھی بہتری نہ آئی تو فیصلہ کرنا ہوگا کہ اب آگے کیا کرنا ہے۔ انھوں نے کہا کہ سری لنکا ٹیم کے آنے سے ملک میں ٹیسٹ کرکٹ کا دروازہ کھل گیا،بنگلہ دیش کو جنوری میں دورہ کرنا ہے جس کے بعد آئرلینڈ، انگلینڈ، جنوبی افریقہ، نیوزی لینڈ اور آسٹریلیا کو بھی یہاں آکر کھیلنے کے لیے قائل کرنے میں مدد ملے گی۔
بھارت کے ساتھ کرکٹ کے سوال پر احسان مانی نے کہاکہ پڑوسی ملک نے کرکٹ کو بھی سیاسی رنگ دے دیا جو بہت غلط ہے، ہم ان کے ساتھ کھیلنا چاہتے ہیں لیکن اس کے لیے منت سماجت نہیں کرسکتے اور نہ کبھی کریں گے۔
انھوں نے کہا کہ پاکستان سپرلیگ کے تمام میچز ملک میں کرارہے ہیں اس سے ہمارا مثبت امیج پوری دنیا میں اجاگر ہونے کے ساتھ کھیل کو بھی بہت فروغ ملے گا۔ احسان مانی نے اس تاثر کوغلط قرار دیاکہ پاکستان کرکٹ بورڈ میں ون مین شوہے۔
انھوں نے واضح کیا کہ تمام فیصلے مشاورت اور کرکٹ کی بہتری کیلیے کیے جاتے ہیں، چیزیں ٹھیک ہونا شروع ہوگئی ہیں، مزید بہتری نظر آئے گی، ماضی میں انٹرنیشنل کرکٹ کونسل میں ہمارا زیادہ عمل دخل نہیں تھا لیکن اب ہمارے لوگ 5 مختلف کمیٹیوں میں ہیں جو اس بات کا ثبوت ہے کہ وہ لوگ ہم پر اعتماد کررہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔