ویتنام کے سرمایہ کار پاکستان میں سرمایہ کاری کے خواہاں ہیں کمرشل قونصلر

پاکستان کے سیاحتی مراکز کو دیکھنے کیلیے ویتنامی سیاحوں نے بھی پاکستان آنے کی خواہش ظاہرکی ہے، ہانگ ٹین۔ فوٹو: سوشل میڈیا

---

ISLAMABAD: ویتنام کے کمرشل قونصلر ہانگ ٹین نے کہا ہے کہ ویتنام کے سرمایہ کار پاکستان میں سرمایہ کاری کے خواہاں ہیں۔

کورنگی ایسوسی ایشن آف ٹریڈ اینڈ انڈسٹری کے دورے کے موقع پر ویتنام کے کمرشل قونصلر ہانگ ٹین نے کہا ہے کہ ویتنام کے سرمایہ کار پاکستان میں شعبہ جاتی بنیادوں پر سرمایہ کاری کے خواہاں ہیں جبکہ پاکستان کے سیاحتی مراکز کو دیکھنے کیلیے ویتنامی سیاحوں نے بھی پاکستان آنے کی خواہش ظاہرکی ہے۔

انھوں نے کہاکہ باہمی تجارت و تعاون کو فروغ دینے کے لیے مشترکہ کوششیں کی جارہی ہیں۔ انھوں نے کہا کہ کاٹی نے ہمیشہ دوطرفہ تجارتی تعلقات کے فروغ کے لیے حوصلہ افزائی کی ہے۔

انھوں نے بتایا کہ فارما، سی فوڈ اور ٹیکسٹائل کے شعبوں میں دونوں ممالک کی کمپنیوں کے مابین تعاون میں اضافہ ہوا ہے۔ اس موقع پرکاٹی کے سینیئر نائب صدر محمد اکرام راجپوت نے کہا کہ ویتنام اور پاکستان کے مابین متعدد شعبوں میں تجارتی و سرمایہ کاری تعلقات کے فروغ کے روشن امکانات ہیں۔