انگلینڈ اور آسٹریلیا ’ اے ‘ کے درمیان بارش سے متاثرہ ٹور میچ ڈرا پر ختم روٹ کی ففٹی

ہوبارٹ: آسٹریلیا اے سے چار روزہ میچ کے آخری دن انگلش بیٹسمین جوئے روٹ کا آف سائیڈ کی جانب شاٹ، انھوں نے نصف سنچری بنائی۔ فوٹو: اے ایف پی

---

انگلینڈ اور آسٹریلیا ' اے ' کے درمیان بارش سے متاثرہ ٹور میچ ہارجیت کے بغیر ختم ہوگیا۔

2روز کا کھیل خراب موسم کی نذر ہو گیا تھا،آخری دن مہمان سائیڈ نے نامکمل اننگز کو بغیر کسی نقصان 318رنز سے شروع کیا، الیسٹرکک (154) اور مائیکل کیئربری(153) نے ریٹائرڈ آئوٹ ہوکر دیگر پلیئرز کو پریکٹس کا موقع فراہم کیا، جوناتھن ٹروٹ(4) کیون پیٹرسن (8)اور گرے بیلنس (4) اس سے خاطرخواہ فائدہ نہیں اٹھاسکے، جوائے روٹ نے 58 کی ناقابل شکست اننگز کھیلی، انگلینڈ نے اننگز 7 وکٹ 430 پر ڈیکلیئرڈ کی، میزبان سائیڈ نے جواب میں 3 وکٹ پر 119رنز بنائے، شان مارش 27 اور کولم فرگوسن15 پر ناٹ آئوٹ رہے، جیمز اینڈرسن نے2 وکٹیں لیں۔