مسافر ٹرین کا ریت سے بھرے ٹرالر سے تصادم مسافر معجزانہ طور پر محفوظ

ٹریکٹر سوار کو طبی امداد کے لیے اسپتال منتقل کردیا گیا فوٹو: فائل

---

کراچی آنے والی عوامی ایکسپریس ریت سے بھرے ٹرالر سے ٹکرا گئی تاہم تمام مسافر معجزانہ طور پر محفوظ رہے۔

ایکسپریس نیوز کے مطابق پشاور کے قریب اضاخیل میں جلد باز ڈرائیور نے عین اس وقت اپنی ریت سے بھری ٹریکٹر ٹرالی کو پٹری کی دوسری جانب لے جانے کی کوشش کی جب کراچی آنے والی عوامی ایکسپریس وہاں سے گزر رہی تھی۔ نتیجے میں ٹرین ٹرالی سے ٹکرا گئی تاہم ڈرائیور کی مستعدی کے باعث بڑا حادثہ نہیں ہوا اور تمام مسافر محفوظ رہے۔

حادثے کے دوران ٹریکٹر ٹرالی میں سوار تین افراد میں سے 2 نے چھلانگ لگادی جب کہ ایک شخص ایسا نہ کرسکا جس کے باعث وہ زخمی ہوگیا۔ زخمی کی شناخت الطاف کے نام سے ہوئی ہے اور اسے طبی امداد کے لیے لیڈی ریڈنگ اسپتال منتقل کیا گیا ہے۔