گبرسنگھ کی جان سنسر بورڈ نے بچالی

سنسر بورڈ کے حکام کے زور ڈالنے کے بعد اسے دوبارہ شوٹ کیا گیا۔ فوٹو : فائل

---

SAHIWAL: کیا آپ جانتے ہیں کہ شعلے فلم کے ولن گبر سنگھ کی جان ایمر جنسی نافذ ہونے کی وجہ سے بچی تھی۔

ایمرجنسی کے دور میں بنی اس فلم میں پہلے کلائمکس میں گبر کی موت ہو جانی تھی مگرGabbar سرکاری حکام کے کہنے پر اسے مارنے کے بجائے جیل بھیج دیا گیا۔ شعلے فلم کلائمکس شوٹ بھی ہو چکا تھا، مگر سنسر بورڈ کے حکام کے زور ڈالنے کے بعد اسے دوبارہ شوٹ کیا گیا۔ نئے کلائمکس میں گبر کو مارنے کے بجائے پولیس کے حوالے کر دیا گیا۔ انٹرنیٹ پر شعلے کے اصل کلائمکس کا ویڈیو بھی دستیاب ہے۔

شعلے فلم کے آخری لمحات میں لگتا ہے کہ ٹھاکر کیل والے جوتوں سے گبر کی پٹائی کر رہا ہوتا ہے۔ اس سے پہلے کہ ٹھاکر پیٹ- پیٹ کر گبر کو مار ڈالے ، پولیس پہنچ جاتی ہے اور گبر کو گرفتار کرکے لے جاتی ہے مگر فلم کی اصل کلائمکس میں گبر کی موت ہو گئی تھی۔ اس میں کہانی یہ تھی کہ ٹھاکر اچانک کود کر گبر کی چھاتی پر چوٹ کرتا ہے اور گبر اچھل کرکھمبے سے جا ٹکراتا ہے۔

کھمبے سے نکلا نکیلا سریا اس کی پیٹھ میں گھس جاتا ہے اور اس کی موت ہو جاتی ہے. اس کے بعد سہواگ وہاں پہنچ کر ٹھاکر کو سبھالتا ہے۔شعلے کے ڈائریکٹر رمیش سپپی کے علاوہ فلم لکھنے والی جوڑی سلیم - جاوید کے جاوید اختر بھی بتا چکے ہیں کہ ایمر جنسی نافذ ہونے کی وجہ سے فلم میں تبدیلی کرنا پڑا تھا۔ انہوں نے کہا تھا، ' جس دوران یہ فلم بنی تھی، وہ ایمرجنسی کا دور تھا۔ سرکاری حکام کا کہنا تھا کہ گبر سنگھ کو مار دینا قانوناً درست نہیں ہے۔ ایسے میں مجبورا کلائمکس کو دوبارہ شوٹ کرنا پڑا۔ یہ بات الگ ہے کہ ان افسران کو گبر کی حرکتیں غیر قانونی نہیں لگیں۔