ویمنز ٹی ٹوئنٹی ورلڈکپ میں انگلینڈنے پاکستان کو شکست دیدی

اسپورٹس رپورٹر  جمعـء 28 فروری 2020
فاتح ٹیم نے پہلے بیٹنگ کرتے ہوئے 7وکٹوں کے نقصان پر 158رنز بنائے، پاکستانی ٹیم 116 رنز پر ڈھیر ہوگئی

فاتح ٹیم نے پہلے بیٹنگ کرتے ہوئے 7وکٹوں کے نقصان پر 158رنز بنائے، پاکستانی ٹیم 116 رنز پر ڈھیر ہوگئی

 لاہور: ویمنز ٹی ٹوئنٹی ورلڈکپ میں انگلینڈنے پاکستان کو 42رنز سے مات دیدی۔

فاتح ٹیم نے پہلے بیٹنگ کرتے ہوئے 7وکٹوں کے نقصان پر 158رنز کا مجموعہ حاصل کیا۔ کپتان ہیتھر نائٹ نے 62کی اننگز کھیلی، نتالی شیور 36 اور فرن ولسن22 رنز کیساتھ نمایاں رہیں۔ ایمن انور3، نداڈار 2، ڈیانا بیگ اور عالیہ ریاض ایک ایک شکار کرنے میں کامیاب ہوئیں۔

جواب میں پاکستان کی جانب سے اوپنرز منیبہ علی( 10)اور جویریہ خان( 16) رنز کی مزاحمت ختم ہوئی تو وکٹوں کی جھڑی لگ گئی۔ عالیہ ریاض 41 کے سوا کسی کو ڈبل فیگر تک رسائی کا موقع بھی نہیں مل سکا جس کے نتیجے میں پوری ٹیم 116 پر ڈھیر ہوگئی۔

آنیا شربسول اور سارا گلین نے 3،3، کییتھرین برنٹ اور صوفی ایکلسٹون نے 2،2وکٹیں حاصل کیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔