- توشہ خانہ کیس کی نئی انکوائری کیخلاف عمران خان اور بشری بی بی کی درخواستیں سماعت کیلیے مقرر
- فاسٹ ٹریک پاسپورٹ بنوانے کی فیسوں میں اضافہ
- پیوٹن نے مزید 6 سال کیلئے روس کے صدر کی حیثیت سے حلف اٹھالیا
- سعودی وفد کے سربراہ سے کابینہ کی تعریف سن کر دل باغ باغ ہوگیا، وزیر اعظم
- روس میں ایک فوجی اہلکار سمیت دو امریکی شہری گرفتار
- پاسکو کی گندم خریداری کا ہدف 14 لاکھ ٹن سے 18 لاکھ ٹن کرنے کی منظوری
- نگراں دور میں گندم درآمد کی مکمل ذمہ داری لیتا ہوں، انوار الحق کاکڑ
- ایم کیوایم پاکستان نے پیپلزپارٹی سے 14 قائمہ کمیٹیوں کی چیئرمین شپ مانگ لی
- پاک-ایران گیس پائپ لائن پر ہر فیصلہ پاکستان کے مفاد میں کیا جائے گا، نائب وزیراعظم
- ڈالر کے انٹر بینک اور اوپن مارکیٹ ریٹ کم ہوگئے
- کور کمانڈر ہاؤس حملہ کیس؛ 9مئی کے 10ملزمان کی ضمانت منظور
- اذلان شاہ ہاکی کپ: پاکستان اور جاپان کا میچ سنسنی خیز مقابلے کے بعد برابر
- زیتون کا تیل ڈیمنشیا سے مرنے کے خطرے کو کم کرتا ہے، تحقیق
- ماحول سے کاربن کشید کرنے کے لیے نیا طریقہ کار وضع
- عورت کا بھیس بدل کر پولیس کو چکما دینے والا چور گرفتار
- کورنگی میں دو دوستوں کے قتل کی تحقیقات، برطرف پولیس اہلکار کا کرمنل ریکارڈ نکل آیا
- پی ٹی آئی کا 9مئی واقعات پر جوڈیشل کمیشن بنانے کا مطالبہ
- وزیر داخلہ محسن نقوی کوئٹہ پہنچ گئے، وزیراعلیٰ بلوچستان سے ملاقات
- حکومت کا پنشن بوجھ کم کرنے کے لیے اصلاحات لانے کا اعلان
- پاکستان کو عالمی بینک سے 8 ارب ڈالرز ملنے کی توقع
آسٹریلیا سے بھی پاک بھارت مقابلوں کی صدا بلند
کراچی: آسٹریلیا سے بھی پاک بھارت مقابلوں کی صدا بلند ہونے لگی، سابق اسپنر بریڈ ہوگ نے شائقین کو کرکٹ کی جانب راغب کرنے کیلیے روایتی حریفوں میں 4 ٹیسٹ میچز کی تجویز دے دی۔
کورونا وائرس سے اس وقت کھیل کی سرگرمیاں معطل ہیں، ایسے میں شائقین کی کرکٹ کیلیے بھی بے تابی عروج پر پہنچی ہوئی ہے، آسٹریلیا کے سابق اسپنر بریڈ ہوگ سمجھتے ہیں کہ اس وقت شائقین رسمی خانہ پری کے بجائے مسابقتی کرکٹ کے لیے بے تاب ہیں، اس لیے انھوں نے مشورہ دیاکہ وقتی طور پر ٹیسٹ چیمپئن شپ کو معطل کرکے پاک بھارت میچز اور ایشز کا انعقاد کرنا چاہیے۔
انھوں نے کہاکہ کورونا وائرس نے کرکٹ کی نئی زندگی کا راستہ کھول دیا ہے، ناظرین اس وقت بے تاب اور مسابقتی کرکٹ کھیلنا چاہتے ہیں، اس لیے کچھ عرصے کیلیے ورلڈ ٹیسٹ چیمپئن شپ کو ملتوی کردینا چاہیے،اس کی جگہ چند بہترین سیریز کا انعقاد کیا جائے۔
49 سالہ سابق کرکٹر نے کہاکہ سب سے پہلے تو بھارت کا 5 ٹیسٹ میچز کیلیے آسٹریلیا کا دورہ ختم کردینا چاہیے، اس کی جگہ ایشز سیریز کرائیں، اسی طرح بھارت پاکستان کے ساتھ 4 ٹیسٹ میچز کی سیریز کھیلے، جس میں سے 2 ٹیسٹ بھارت اور باقی 2 پاکستان میں ہونے چاہئیں، یہ سیریز کرسمس کے آس پاس منعقد ہو، ہم نے کافی عرصے سے دونوں ممالک میں ٹیسٹ کرکٹ نہیں دیکھی اور لوگ اس کیلیے بے چین ہیں۔
بریڈ ہوگ نے مزید کہا کہ اس سیریز سے دنیا کے بہترین کرکٹرز کو بھی ایک دوسرے کے سامنے صلاحیتوں کے اظہار کا موقع ملے گا، ویرات کوہلی اور بابر اعظم میں سے بہترین کون ہے، اس کا فیصلہ اسی سیریز میں ہوگا، اسی طرح پیس بولنگ میں جسپریت بمرا اور شاہین شاہ آفریدی جبکہ اسپن کے شعبے میں روی چندرن ایشون و یاسر شاہ کے درمیان مقابلہ ایشیائی کنڈیشنز میں ہی ہوگا،اس دوران دنیا کو بہترین کرکٹ دیکھنے کو ملے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔