ایف بی آر افسروں کا اثاثوں کی تفصیل فراہم نہ کرنے کا انکشاف

 اسلام آباد: ایف بی آرکے اپنے اداروں کے ڈیڑھ درجن سے زائد ایڈیشنل کمشنرز ان لینڈ ریونیو،ڈپٹی ڈائریکٹر کسٹمز انٹیلی جنس و ڈپٹی کلکٹرز اورسیکرٹریز کا گذشتہ چار تا پانچ سال کے اثاثوں کی تفصیلات جمع نہ کرانے کا انکشاف ہوا ہے۔

ایف بی آر نے پچھلے چار تا پانچ سال کے اپنے اور بیوی، بچوں کے اثاثے جمع نہ کرانے والے افسروں کو 15 مئی تک اثاثوں کی تفصیلات جمع کرانے کی مہلت دیدی ہے، ایف بی آر نے اثاثوں کی تفصیلات فراہم نہ کرنے والے افسروں کی فہرست فیلڈ فارمشنز کو بھجوادی ہے، ’’ایکسپریس‘‘ کو دستیاب فہرست کے مطابق ان لینڈ ریونیو سروس کے 14 جبکہ پاکستان کسٹمز سروس کے 5 افسروں نے اثاثوں کی تفصیلات فراہم نہیں کیں۔