شہرہ آفاق کتاب موت کا منظر کے مصنف خواجہ محمد اسلام انتقال کرگئے

خواجہ محمد اسلام کی کتاب موت کا منظر نے پوری دنیا میں بے پناہ شہرت حاصل کی فوٹو : فائل

---

شہرہ آفاق کتاب موت کا منظر کے مصنف خواجہ محمد اسلام حرکت قلب بند ہونے کی وجہ سے 85 سال کی عمرمیں اچھرہ لاہور میں انتقال کرگئے۔

خواجہ محمد اسلام کی کتاب موت کا منظر نے پوری دنیا میں بے پناہ شہرت حاصل کی اور لاکھوں کی تعداد میں اب تک کئی زبانوں میں شائع ہوچکی ہے۔ اس کتاب سے کئی عالمی شخصیات بھی پڑھ کر متاثر ہوئیں۔ اس کے علاوہ خواجہ محمد اسلام نے کتاب جنت کا منظر، حج کا منظر، ماں کی دعا جنت کی ہوا اور تعلیم الاسلام سمیت 33 کے قریب کتابیں تصنیف کیں۔ ان کی کتاب موت کا منظر پڑھ کر لاکھوں لوگوں کی زندگیاں تبدیل ہوئیں۔