کراچی طیارہ حادثے پر ارطغرل اور حلیمہ سمیت غیر ملکی فنکاروں کا اظہار تعزیت

ارطغرل کا کاردار اداکرنے والے اداکار نے طیارہ حادثے پر افسوس کا اظہار کرتے ہوئے لواحقین سے اظہار تعزیت اور پاکستان کے لیے دعا کی فوٹوفائل

---

کراچی طیارہ حادثے پر جہاں پورا پاکستان سوگوار ہے وہیں ترک فنکاروں انجن التان دوزیاتن اور اسریٰ بلجک سمیت بھارتی فنکاروں نے بھی اس واقعے پر افسوس کا اظہار کیا ہے۔

ڈراما سیریل ''ارطغرل غازی'' میں ارطغرل کا کردار نبھانے والے ادکار انجن التان دوزیاتن نے انسٹاگرام پر گزشتہ روز کراچی میں ہونے والے طیارہ حادثے پر افسوس کا اظہار کرتے ہوئے لواحقین سے اظہار تعزیت کیا ہے اور پاکستان کے لیے دعا بھی کی۔



ڈرامے میں ارطغرل کی بیوی حلیمہ سلطان کا کردارادا کرنے والی ترک اداکارہ اسریٰ بلجک بھی اس موقع پر پاکستانیوں کے ساتھ کھڑی ہیں۔ انہوں نے ٹوئٹر پر لکھا پیارے پاکستان، آج آپ کے نقصان پر میری انتہائی مخلصانہ تعزیت قبول کریں۔ تمام مرحومین کے لیے دعائے مغفرت اور لواحقین اور زخمیوں کے لیے دعائیں۔

Dear #Pakistan , please accept my most sincere condolences on your loss today. Praying all the souls of the departed, praying for their families and those who have survived.

— Esra Bilgiç (@esbilgic) May 22, 2020

ترک اداکاروں کے علاوہ بالی ووڈ اداکار انیل کپور، سونم کپور،جاوید اختر اور انوپم کھیر نے بھی گزشتہ روزکراچی میں تباہ ہونے والے خوفناک حادثے پر غم کا اظہار اور اس خوفناک حادثے کے نتیجے میں اپنی جانیں گنوانے والے لوگوں کے لیے اظہار تعزیت کیا ہے۔

یہ بھی پڑھیں: پی آئی اے کا طیارہ کراچی ایئرپورٹ کے قریب گر کر تباہ، 96 افراد جاں بحق

بھارتی اداکار انیل کپور نے ٹوئٹر پر کراچی طیارہ حادثے پر افسوس کا اظہار کرتے ہوئے کہا کہ میری ان تمام اہل خانہ سے دلی تعزیت جنہوں نے حادثے کے نتیجے میں اپنے پیاروں کو کھودیا۔ اس کے علاوہ انہوں نے حادثے میں زخمی ہونے والے افراد کی جلد صحت یابی کی دعاکی۔

Deeply saddened to hear about the #planecrash in #Karachi. My heartfelt condolences to all the families who have lost loved ones and sending my prayers for the speedy rescue & recovery of the ones who are injured. 🙏🏻

— Anil Kapoor (@AnilKapoor) May 22, 2020

انیل کپور کی بیٹی اور بالی ووڈ اداکارہ سونم کپور نے بھی اپنے والد کی اسی ٹوئٹ کو ری ٹوئٹ کرکے کراچی میں ہونے والے خوفناک حادثے پر غم کا اظہار کیا۔

🙏🙏🙏🙏 https://t.co/xm7gEEVjHT

— Sonam K Ahuja (@sonamakapoor) May 22, 2020

بھارتی اداکار انوپم کھیرنے پی آئی اے پلین کریش کا ہیش ٹیگ استعمال کرتے ہوئے لکھااس المناک حادثے کا سن کرافسوس ہوا۔ انہوں نےحادثے میں اپنے پیاروں کو کھودینے والے اہل خانہ سے اظہار تعزیت کرتے ہوئے لکھا خدا انہیں اس خوفناک حادثے کا سامنا کرنے کی طاقت دے۔

Deeply saddened to know about the tragic #PIAPlaneCrash. It is so so sad. My heartfelt condolences & prayers for the families who lost their loved ones. May God give them the strength to deal with this tragic loss. Prayers for the injured. 🙏

— Anupam Kher (@AnupamPKher) May 22, 2020

بھارتی ٹینس پلیئر اور قومی کرکٹر شعیب ملک کی اہلیہ ثانیہ مرزا نے بھی کراچی طیارہ حادثہ پر غم کا اظہار کیا۔

May Allah have mercy and give strength to the loved ones of the deceased ..no amount of condolences can be enough .. Heartbreaking and so so tragic .. #piacrash 🤲🏽 https://t.co/MZOvAaaJwP

— Sania Mirza (@MirzaSania) May 22, 2020

بھارتی شاعر اور اسکرپٹ رائٹر جاوید اختر نے ٹوئٹر پر کراچی طیارہ حادثے پر افسوس کا اظہار کرتے ہوئے حادثے میں مرنے والوں کے اہل خانہ سے اظہار تعزیت کیا اور لکھا کبھی کبھی ایسا محسوس ہوتا ہے کہ آفتیں بھی جھرمٹ میں آتی ہیں۔

My condolences to the families of all those who lost their lives in the #PakistanPlaneCrash Some times one feels that calamities also come in a cluster . Very sad .

— Javed Akhtar (@Javedakhtarjadu) May 23, 2020