پاکستان کو چینی بینکوں سے ایک ارب 30 کروڑ ڈالرموصول

بزنس رپورٹر  منگل 30 جون 2020
 اب چینی بینکوں سے مجموعی طور پر 3ارب ڈالر موصول ہوچکے ہیں، اسٹیٹ بینک۔ فوٹو، پاکستان

اب چینی بینکوں سے مجموعی طور پر 3ارب ڈالر موصول ہوچکے ہیں، اسٹیٹ بینک۔ فوٹو، پاکستان

کراچی: اسٹیٹ بینک آف پاکستان کو چینی بینکوں سے ایک ارب 30 کروڑ ڈالرموصول ہوگئے ہیں۔

تفصیلات کے مطابق قرض کی یہ  رقم ترقیاتی کاموں،کورونا وائرس کی روک تھام اور غیرملکی ادائیگیوں کیلئے استعمال کی جائے گی ۔ 23جون سے اب تک اسٹیٹ بینک کو عالمی مالیاتی اداروں اور اب چینی بینکوں سے مجموعی طور پر 3ارب ڈالر موصول ہوچکے ہیں جو آئندہ ہفتہ جاری ہونے والے زرمبادلہ کے ہفتہ وار اعدادوشمار میں شامل کیے جائیں گے۔

اس سے قبل مرکزی بینک کو عالمی بینک اور ایشیائی ترقیاتی بینک سے 1 ارب ڈالر موصول ہو چکے ہیں۔  دونوں اداروں نے  پچاس پچاس کروڑ ڈالر فراہم کیے۔ جس کے بعد پاکستان کے زرمبادلہ کے مجموعی ذخائر 17 ارب 77 کروڑ 50 لاکھ ڈالر کی سطح پر آگئے تھے۔ چینی بینکوں سے موصول ہونے والی رقم کے بعد ان میں مزید اضافہ ہوجائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔