سرکاری اداروں نے پی ایس او کے 250ارب دبالیے دیوالیہ ہونے کا خدشہ

واجبات کاانتظام کیاجائے،پی ایس اوکاوزارت پٹرولیم وخزانہ کوخط:نقدادائیگی پرصرف جیٹ فیول فراہم کررہے ہیں،اٹک ریفائنری،پارکو۔ فوٹو: فائل

---

KARACHI: پاکستان اسٹیٹ آئل نے سرکلرڈیبٹ کے تحت 2کھرب 50 ارب روپے کے واجبات کی عدم وصولی کے باعث دیوالیہ ہونے کاخدشہ ظاہرکردیا ہے۔

ذرائع نے بتایاکہ پی ایس او کی طرف سے وزارت پٹرولیم اوروزارت خزانہ کوخط لکھاگیاجس میں انھیںمتنبہ کیا گیا کہ سرکلر ڈیبٹ کی عدم ادائیگی کے باعث صورتحال سنگین ہورہی ہے،مختلف محکموںکی طرف سے ادائیگیاںنہ ہونے کے باعث پی ایس اوکے عالمی مارکیٹ میںڈیفالٹ ہونے کاخطرہ ہے۔خط میںکہاگیاکہ پٹرولیم سپلائی اورمالی صورتحال بہت گھمبیرہوچکی ہے اورعالمی سپلائرزکوادائیگیوںکیلیے فوری 91 ارب روپے کی ضرورت ہے،چند روزمیںپی ایس اوکاپٹرولیم کااسٹاک ختم ہوسکتاہے ریفائنریوںنے پی ایس او کو پٹرولیم سپلائی بندکرناشروع کردی ہے۔

پی ایس اوکی ادھارلینے کی حدبھی ختم ہونے کے قریب پہنچ چکی ہے،پی ایس اونے وزارت پٹرولیم سے کہاکہ وہ ہنگامی بنیادوںپراس کے وزارت پانی وبجلی اور دیگراداروںکے ذمے ڈھائی سوارب سے زائدکے واجبات کی ادائیگی کاانتظام کرے،آن لائن کے مطابق اٹک ریفائنری لمٹیڈاورپارکوکے عہدیداروںنے پی ایس اوکوایندھن کی فراہمی کے تعطل کی تصدیق کرتے ہوئے کہاکہ اس وقت نقدادائیگی پرپی ایس اوکوصرف جیٹ فیول فراہم کیاجارہاہے،اٹک ریفائنری لمٹیڈکے پی ایس او کے ذمے واجب الوصول واجبات 31.276ارب روپے سے تجاوزکرگئے ہیں۔