- پاکستان نے تیسرے ٹی ٹوئنٹی میں آئرلینڈ کو شکست دیکر سیریز اپنے نام کرلی
- اسلام آباد میں شہریوں کو گھر کی دہلیز پر ڈرائیونگ لائسنس بنانے کی سہولت
- ماؤں کے عالمی دن پر نا خلف بیٹے کا ماں پر تشدد
- پنجاب میں چائلڈ لیبر کے سدباب کے لیےکونسل کے قیام پرغور
- بھارتی وزیراعظم، وزرا کے غیرذمہ دارانہ بیانات یکسر مسترد کرتے ہیں، دفترخارجہ
- وفاقی وزارت تعلیم کا اساتذہ کی جدید خطوط پر ٹریننگ کیلیے انقلابی اقدام
- رواں مالی سال کی پہلی ششماہی میں معاشی حالات بہترہوئے، اسٹیٹ بینک
- شاہین آفریدی پیدائشی کپتان ہے، عاطف رانا
- نسٹ کے طلبہ کی تیار کردہ پاکستان کی پہلی ہائی برڈ فارمولا کار کی رونمائی
- مخصوص طبقے کو کلین چٹ دینے کیلیے نیا پروپیگنڈا تیار کیا جارہا ہے، فیصل واوڈا
- عدالتی امور میں مداخلت مسترد، معاملہ قومی سلامتی کا ہے اسے بڑھایا نہ جائے، وفاقی وزرا
- راولپنڈی میں معصوم بچیوں کے ساتھ مبینہ زیادتی میں ملوث دو ملزمان گرفتار
- دکی میں کوئلے کی کان پر دہشت گردوں کے حملے میں چار افراد زخمی
- بنگلادیش نے ٹی ٹوئنٹی ورلڈ کپ کیلئے اسکواڈ کا اعلان کردیا
- 100 دنوں میں 200 فلائٹس کے مسافر بیگز سے سونا چوری کرنے والا ملزم گرفتار
- سنی اتحاد کونسل نے چیئرمین پی اے سی کیلئے شیخ وقاص اکرم کا نام اسپیکر کو بھیج دیا
- آزاد کشمیر میں احتجاج کے دوران انسانی جانوں کے ضیاع پر افسوس ہے، وزیراعظم
- جنوبی وزیرستان کے گھر میں ہونے والا دھماکا ڈرون حملہ تھا، رکن اسمبلی کا دعویٰ
- دنیا کا گرم ہوتا موسم، مگرناشپاتی کے لیے سنگین خطرہ
- سائن بورڈ کے اندر سے 1 سال سے رہائش پذیر خاتون برآمد
دھوپ سے پانی صاف کرنے والا انقلابی دھاتی فلٹر
نیویارک: دنیا کی آبادی کا بڑا حصہ اس وقت بھی پینے کے صاف پانی سے محروم ہے اور یہ چیلنج اب ایک بحران بنتا جارہا ہے۔
اس کے لیے دنیا کا ایک بے حد سادہ آبی فلٹر بنایا گیا ہے جو ایلومینیئم کی ایک سیاہ دھاتی پلیٹ پر مشتمل ہے اور سورج کی حرارت سے آلودہ پانی صاف کرسکتا ہے۔ یہ فلٹر افریقہ سمیت دوردراز اور غریب علاقوں میں آسانی سے استعمال کیا جاسکتا ہے۔ یہی وجہ ہے کہ اس انتہائی سادہ فلٹر کو بہت اہم قرار دیا جارہا ہے۔
نیویارک میں یونیورسٹی آف روچیسٹر کے چونلائی گاؤ اور ان کے ساتھیوں نے پہلے ایلومینیئم سے بنا ایک پینل لیا ۔ اس کے بعد پلیٹ پر لیزر فائر کی گئیں اور شعاع کے چھوٹے چھوٹے جھماکے پھینکے گئے۔ اس سے دھاتی پلیٹ پر خردبینی نالیاں بن گئیں اور نینو پیمانے کے چھوٹے چھوٹے ابھار بھی کاڑھے گئے۔
اس ضمن میں ایلومینیئم کی پلیٹ سیاہ ہوگئی جو پانی کو کشش کرتی ہے۔ اگر دھاتی پلیٹ سیدھا رکھا جائے تو نیچے انڈیلا گیا پانی کا قطرہ بھی اوپر کی جانب سفر کرتا ہے کیونکہ اس پر خدوخال ہی کچھ اس طرح کے بنائے گئے ہیں۔ اس کے بعد سائنسدانوں نے اسے کئی طرح کی صورتحال میں آزمایا۔
اس پینل کا ایک سرا گندے پانی میں رکھا گیا تو اس نے پانی کے باریک دھارے کو اوپر کی جانب کھینچنا شروع کردیا۔ اپنے سفر میں گرم ہوکر پانی بھاپ بن کر اڑگیا اور یوں پانی صاف ہوگیا۔ اگلے مرحلے میں اس پلیٹ کو شیشے کے ایک بکس میں رکھا گیا اور بھاپ بننے والے سارا پانی جمع کرلیا گیا۔ اس طرح ایک انسولیشن دیوار بنائی گئی اور صاف پانی سے آلودگی الگ ہوگئی اور بالکل شفاف پانی حاصل ہوا۔ اس عمل میں پانی کےبھاپ بننے سے پانی کی کثافتیں علیحدہ ہوگئیں۔
سادہ واٹر فلٹر سے فائدہ اٹھانے کے لیے ضروری ہے کہ پلیٹ کا رخ سورج کی جانب ہو کیونکہ گرمی سے پانی کو بخارات میں تبدیل کرنا بہت ضروری ہے۔ دلچسپ بات یہ ہےکہ یہ سادہ اور سستا فلٹر، پانی سے بھاری دھاتیں، انسانی فضلے، صابونی اجزا اور دیگر آلودگیوں کوعالمی ادارہ برائے صحت (ڈبلیو ایچ او) کے معیارات سے بھی زیادہ درجے پر صاف کرسکتا ہے۔
تجرباتی طور پر دو گھنٹے میں صرف 5 ملی میٹر صاف پانی حاصل کیا گیا اور اس کی وجہ یہ ہےکہ تجرباتی طور پر بہت چھوٹا فلٹر آزمایا گیا تھا ۔ اگلے مرحلے میں ماہرین اس کی گنجائش بڑھانے کی کوشش کریں گے اور پہلے مرحلے میں دھاتی پینل کے دونوں جانب آلودہ پانی کو صاف کرنے کے تجربات کئے جائیں گے۔
لیکن ماہرین پرامید ہیں کہ اس کی کامیابی کے بعد ایک کم خرچ اور مؤثر واٹر فلٹر بنانے کی راہ ہموار ہوگئی ہے کیونکہ استعمال کے لیے کسی بجلی یا بیٹری کی کوئی ضرورت نہیں رہتی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔