پاکستان اور انگلینڈ ٹیسٹ میچ میں نو بال کیلیے ٹیکنالوجی کا استعمال ہوگا

عباس رضا  بدھ 5 اگست 2020
دونوں ٹیموں نے  ٹیکنالوجی کے استعمال پر رضامندی کا اظہار پہلے ہی کر دیا تھا

دونوں ٹیموں نے ٹیکنالوجی کے استعمال پر رضامندی کا اظہار پہلے ہی کر دیا تھا

پاکستان اور انگلینڈ کے ٹیسٹ میچ میں فرنٹ فٹ نو بال کیلیے ٹیکنالوجی کا استعمال ہوگا۔

آئی سی سی نے تصدیق کی ہے کہ تھرڈ  امپائر ہر گیند پر بولر کے اگلے پاؤں پر نظر رکھتے ہوئے نو بال ہونے پر مطلع کرے گا، فیلڈ امپائر اس کے علاوہ ہونے والی نو بالز دے سکے گا، دونوں ٹیموں نے  ٹیکنالوجی کے استعمال پر رضامندی کا اظہار پہلے ہی کر دیا تھا۔

آئی سی سی کا کہنا ہے کہ پاکستان اور انگلینڈ کے مابین سیریز میں اس تجربہ کی افادیت کا جائزہ لینے کے بعد مستقبل میں اس کا استعمال جاری رکھنے کے بارے میں فیصلہ کیا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔