پشاور کے مزید 6 علاقوں میں مائیکرو اسمارٹ لاک ڈاؤن نافذ

شاہ زیب خان  پير 17 اگست 2020
حیات آباد کے 3 فیز ، شاہین ٹاؤن، اکبر ٹاؤن اور شامی روڈ میں لاک ڈاؤن لگایا گیا ہے فوٹو: فائل

حیات آباد کے 3 فیز ، شاہین ٹاؤن، اکبر ٹاؤن اور شامی روڈ میں لاک ڈاؤن لگایا گیا ہے فوٹو: فائل

 پشاور: ضلعی انتظامیہ نے کورونا وائرس کے پیش نظر شہر کے 6 علاقوں اور گلیوں میں مائیکرو اسمارٹ لاک ڈاؤن لگادیا گیا ہے۔

پشاور میں ضلعی انتظامیہ نے کورونا وائرس پھیلاؤ خدشات کے پیش نظر مزید 6 علاقوں میں مائیکرو اسمارٹ لاک ڈاؤن لگانے کا نوٹی فکیشن جاری کر دیا ہے، جن علاقوں میں اسمارٹ لاک ڈاؤن نافذ کیا گیا ہے ان میں حیات آباد کے 3 فیز ، شاہین ٹاؤن، اکبر ٹاؤن اور شامی روڈ شامل ہیں۔ مائیکرو اسمارٹ لاک ڈاؤن کے دوران ان علاقوں سے عوام کی کسی خاص وجہ کے بغیر آمد و رفت بند رہے گی۔

ڈپٹی کمشنر پشاور محمد علی اصغر کے مطابق مائیکرو اسمارٹ ڈاؤن لگانے کا مقصد کورونا کے پھیلاؤ کو روکنا ہے، وفاقی حکومت کی پالیسی و ہدایات پر صرف گلیوں چھوٹے علاقوں میں مائیکرو اسمارٹ لاک ڈاؤن لگایا جا رہا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔