خیبر پختونخوا حکومت کا چھوٹے ڈیمز کو تفریحی مقامات بنانے کا فیصلہ

 پشاور: خیبر پختونخوا حکومت نے چھوٹے ڈیمز کو تفریحی مقامات بنانے کا فیصلہ کیا ہے اور ابتدائی طور پر پانچ ڈیمز پرسیاحتی مقام بنائے جائیں گے۔

صوبائی حکومت نے شہریوں کو تفریحی سہولیات مہیا کرنے کے لیے چھوٹے ڈیمز کو تفریحی مقامات بنانے کا فیصلہ کیا ہے۔

اس سلسلے میں ابتدائی طور پر پانچ چھوٹے ڈیمز پر تفریحی سہولیات فراہم کی جارہی ہیں۔ جن پانچ ڈیمز کا انتخاب کیا گیا ہے ان میں  کنڈل ڈیم صوابی، جلوزئی ڈیم نوشہرہ ، تھانڈا ڈیم کوہاٹ، چھتری ڈیم ہری پور ، جھنگڑا ڈیم ایبٹ آباد شامل ہیں۔

منصوبے کے تحت ان ڈیمز پر پارکنگ، ریسٹورنٹ ، ٹک شاپ، باربی کیو مقامات ، اوپن کوکنگ کی سہولت کی فراہم کی جائیں گی جبکہ سولر سسٹم لینڈ اسکپنگ ، اسپاٹ اور فشنگ کی سہولت بھی فراہم ہوگی۔