- جعلی حکومت کو اقتدار میں رہنے نہیں دیں گے، مولانا فضل الرحمان
- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا میں طوفانی بارشوں سے ہلاکتیں 59 ہوگئیں، 72 زخمی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
چکوترے اور صنوبر سے حاصل شدہ، ماحول دوست کیڑے مار دوا
واشنگٹن: چکوترے کے چھلکے اور صنوبر کے درخت میں پائے جانے والے ایک خاص مرکب ’’نُوٹ کیٹون‘‘ سے تیار کردہ ایک نئی اور ماحول دوست کیڑے مار دوا امریکا میں استعمال کےلیے منظور کرلی گئی ہے۔
یہ دوا طبّی تحقیق کے امریکی ادارے ’’سی ڈی سی‘‘ نے تیار کی تھی جبکہ ماحولیاتی تحفظ کی ایجنسی ’’ای پی اے‘‘ نے چند دن پہلے اسے محفوظ قرار دیتے ہوئے عمومی استعمال کےلیے منظور بھی کرلیا ہے۔
نُوٹ کیٹون وہ عام نامیاتی مرکب ہے جو چکوترے (گریپ فروٹ) کی مخصوص خوشبو کی وجہ بنتا ہے جبکہ یہ صنوبر کے درختوں میں بھی پایا جاتا ہے۔
اگر یہ کم مقدار میں استعمال کیا جائے تو مچھروں، پسوؤں اور کھٹملوں کو بھگانے کا کام کرتا ہے جبکہ اسی مرکب کی زیادہ مقدار ان کے علاوہ دوسری کئی اقسام کے کیڑوں کو موت کے گھاٹ اتار سکتی ہے۔
اس طرح نُوٹ کیٹون مختلف کیڑے مکوڑوں سے ہونے والی بیماریوں کا پھیلاؤ بھی کم کرسکتا ہے۔
خاص بات یہ ہے کہ نُوٹ کیٹون ایسے کیڑوں کو بھی ہلاک کرسکتا ہے جو ڈی ڈی ٹی، پائریتھرائیڈز اور دوسری حشرات کش دواؤں سے بھی نہیں مرتے۔
ماہرین کا کہنا ہے کہ نُوٹ کیٹون کو ہاتھ دھونے والے صابن میں بھی شامل کیا جاسکتا ہے کیونکہ یہ انسان کےلیے بے ضرر ہے۔
علاوہ ازیں، اسی صابن کو پانی میں حل کرکے متاثرہ مقام پر اس کا چھڑکاؤ بھی کیا جاسکتا ہے، تاکہ کیڑے مکوڑے وہاں سے دور رہیں اور جو کیڑے اس جگہ موجود ہوں، وہ اس مرکب کا سامنا ہونے پر مر جائیں۔
اگرچہ اس وقت بھی لیمن گراس اور پودینے کے تیل کے علاوہ سٹرونیلا جیسے قدرتی مرکبات بھی کیڑے مکوڑوں کو دور رکھنے میں استعمال ہورہے ہیں مگر ان کا اثر جلد ہی ختم ہوجاتا ہے۔ اس کے برعکس، نُوٹ کیٹون کے اثرات ایک گھنٹے کے بعد بھی برقرار رہتے ہیں۔
اگلا مرحلہ اس مرکب کو استعمال کرتے ہوئے کیڑے مکوڑے بھگانے اور مارنے والی مصنوعات کی تیاری کا ہے، جس کےلیے مختلف اداروں نے رابطے شروع کردیئے ہیں۔
قوی امکان ہے کہ اس بارے میں کوئی معاہدہ جلد ہی طے پا جائے گا اور آئندہ برس کسی بھی وقت نُوٹ کیٹون سے تیار کردہ ’’دافع حشرات‘‘ اور ’’حشرات کش‘‘ قسم کی مصنوعات مارکیٹ میں دستیاب ہوں گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔