متحدہ لوکل گورنمنٹ ترمیمی آرڈیننس کیخلاف آج احتجاج کریگی

اسمبلی میں آرڈیننس کیخلاف درخواست جمع کرانے کا امکان، احتجاج کا دائرہ بڑھایا جائیگا، ذرائع۔ فوٹو: فائل

---

ISLAMABAD: متحدہ قومی موومنٹ نے سندھ گورنمنٹ ترمیمی آرڈینس کے خلا ف آج (پیرکو) احتجاج کرنے کافیصلہ کیاہے۔

اس سلسلے میں ذرائع کاکہناہے کہ ایم کیوایم کے ارکان سندھ اسمبلی ،کارکنان کے ہمراہ سندھ اسمبلی تاکراچی پریس کلب تک احتجاجی مارچ کریںگے اوربعدازاں پریس کلب پراحتجاج کیاجائے گا،ایم کیوایم کے ذرائع کے مطابق احتجاج سے قبل ایم کیوایم کے ارکان سندھ اسمبلی کاسندھ اسمبلی میں اجلاس ہوگا امکان ہے کہ ایم کیوایم کے ارکان سندھ لوکل گورنمنٹ آرڈینس کیخلاف ایک درخواست سندھ اسمبلی کے اسپیکرآفس میں جمع کرائیں گے۔



ایم کیوایم کی جانب سے مذکورہ بل کی مخالفت میں احتجاج کافیصلہ اتوار کو ایم کیوایم کے ایک اجلاس میں کیاگیاجس میں ایم کیوایم کی رابطہ کمیٹی کے ارکان سمیت ایم کیوایم کے کئی رہنمائوں نے شرکت کی۔ذرائع کے مطابق بل کیخلاف احتجاج کادائرہ کاربڑھایاجائے گا،ایم کیوایم کے ذرائع کا کہناہے کہ بل کیخلاف ایم کیوایم کی جانب سے عدالت میں بھی پٹیشن دائرکی جائے گی،اس حوالے سے ایم کیوایم کی جانب سے تیاریاں کی جارہی ہیں۔