عام انتخابات 2023میں ہی ہوں گے اور اپوزیشن پھر ناکام ہوگی، فواد چوہدری

 اتوار 27 ستمبر 2020
عمران خان بطور وزیر اعظم اپنی آئینی مدت پوری کریں گے، فواد چوہدری۔ (فوٹو: فائل)

عمران خان بطور وزیر اعظم اپنی آئینی مدت پوری کریں گے، فواد چوہدری۔ (فوٹو: فائل)

وفاقی وزیر سائنس و ٹیکنالوجی فواد چوہدری کا کہنا ہے کہ عام انتخابات 2023میں ہی ہوں گے اور اپوزیشن پھر ناکام ہوگی۔

گورنر پنجاب چوہدری سرور سے وفاقی وزیر سائنس و ٹیکنالوجی فواد چوہدری نے ملاقات کی، ملاقات میں وفاقی وزیر فواد چوہدری کا کہنا تھا کہ حکومت کمزو ر طبقات کو مضبوط بنانے کے لیے عملی اقدامات کررہی ہے، عمران خان بطور وزیر اعظم اپنی آئینی مدت پوری کریں گے، عام انتخابات 2023میں ہی ہوں گے اور اپوزیشن پھر ناکام ہوگی۔

گورنر پنجاب چوہدری سرور کا کہنا تھا کہ حکومتی ایجنڈہ ترقی اور خوشحالی ہے جب کہ سیاسی مخالفین انتشار چاہتے ہیں، اپوزیشن احتسابی عمل کو بر یک لگوانا چاہتی ہے مگر ایسا نہیں ہوگا، شفاف اور بلاتفر یق احتساب ملک وقوم کے لیے لازم ہو چکا ہے، ملکی ترقی کی راہ میں رکاوٹوں کا اپوزیشن کا منصوبہ ناکام ہوگا، قومی اداروں کو تنقید کا نشانہ بنانیوالوں کو قوم معاف نہیں کرے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔