طلال چوہدری نے تنظیم سازی کا جھوٹ بولا، ن لیگ تحقیقاتی کمیٹی

اسٹاف رپورٹر  منگل 29 ستمبر 2020
سابق رکن اسمبلی طلال چوہدری پر تشدد کے واقعے بعد ن لیگ نے تحقیقات کے لیے ایک کمیٹی تشکیل دی تھی(فوٹو، فائل)

سابق رکن اسمبلی طلال چوہدری پر تشدد کے واقعے بعد ن لیگ نے تحقیقات کے لیے ایک کمیٹی تشکیل دی تھی(فوٹو، فائل)

 لاہور: مسلم لیگ ن کے ذرائع کے مطابق طلال چوہدری اور خاتون رکن اسمبلی کے معاملے پر بنائی گئی کمیٹی نے اپنی رپورٹ جمع کروادی ہے۔

ذرائع کے مطابق مسلم ليگ ن کی فيکٹ فائنڈنگ کميٹی نےاپنی رپورٹ راناثناء اللہ کو جمع کرا دی، جس میں کہا گیا ہے کہ طلال چوہدری تنظيم سازی کےسلسلے ميں عائشہ رجب علی کے گھر نہيں گئے تھے۔ طلال چوہدری ایم این اے عائشہ رجب کے بلوانے پر گئے تھے۔

پارٹی ذرائع کا کہنا ہے کہ کمیٹی رپورٹ میں کہا گیا ہے کہ طلال چوہدری نےتنظيم سازی کاجھوٹ بولا۔طلال چوہدری کاجھگڑا عائشہ رجب علی  ہی سے تھا۔ طلال چوہدری کا ایم این اے عائشہ رجب کے بھائی سے جھگڑا ہوا۔

یہ خبر بھی پڑھیے: مسلم لیگ ن نے طلال چوہدری کے معاملے پر تحقیقاتی کمیٹی بنادی

ایکسپریس نیوز کے مطابق پاکستان مسلم لیگ پنجاب کے صدر رانا ثنا اللہ کا کہنا ہے کہ يہ دونوں کا ذاتی معاملہ ہے۔اگرکوئی فريق شکايت کرے گا تو پارٹی ايکشن لے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔