ترمیمی بلدیاتی آرڈیننس کے خلاف متحدہ کا لیبر ڈویژن بھی سڑکوں پر آگیا

متحدہ قومی موومنٹ لیبرڈویژن کے انچارج کاظم رضا کراچی پریس کلب کے سامنے مظاہرین سے خطاب کررہے ہیں۔ فوٹو: ایکسپریس

---

متحدہ قومی موومنٹ لیبر ڈویژن کے زیر اہتمام سندھ حکومت کی جانب سے سندھ لوکل گورنمنٹ ترمیمی آرڈیننس اورمختلف اداروں میں مزدور دشمن پالیسیوں کیخلاف کراچی پریس کلب کے سامنے احتجاجی مظاہرہ کیا گیا جس میںمختلف سرکاری ونیم سرکاری اداروں کے محنت کشوں، سی بی اے یونینوں اور مزدور تنظیموں کے عہدیداران نے بڑی تعداد میں شرکت کی۔

احتجاجی مظاہرے سے ایم کیوایم لیبرڈویژن کے انچارج کاظم رضا، جوائنٹ انچارجز لیبرڈویژن صابرخان، زوارحسن اوریونائیٹڈلیبرفیڈریشن کے صدر جاویدنہال نے خطاب کیا اورسندھ لوکل گورنمنٹ ترمیمی آرڈینینس کوکراچی دشمن اورسیاہ قانون قراردیتے ہوئے اسے فی الفور واپس لینے کامطالبہ کیا۔ احتجاجی مظاہرے کے شرکا نے ہاتھوں میں ایم کیوایم کے پرچم،پلے کارڈزاور بینززاٹھارکھے تھے جن پر 'نامنظور نامنظور سندھ لوکل گورنمنٹ ...نامنظور،مالیاتی اداروں میں بے جا مداخلت بند کرو، کراچی میٹروپولیٹن کارپوریشن کے مالی بجٹ پرڈاکا نامنظور، پورٹ قاسم اتھارٹی کے کنٹریکٹ ملازمین کوفوری بحال کی اجائے، سندھ بلڈنگ کنٹرول اتھارٹی کی اعلیٰ انتظامیہ کالسانی بنیاد پر ملازمین کے ساتھ متعصبانہ سلوک نامنظور، مزدوردشمن پالیسیاںبندکرو'' نعرے درج تھے۔



مظاہرے سے خطاب میں انچارج لیبرڈویژن کاظم رضا نے کہاکہ سندھ لوکل گورنمنٹ ترمیمی آرڈیننس سیاہ قانون ہے جوجاگیردارانہ سوچ کی عکاسی ہے،کراچی کے لوگ آزادخیال اورپڑھے لکھے ہیںجواپنے حقوق کو کسی صورت سلب نہیںہونے دیں گے۔ انھوںنے کہا کہ ہم سازشی عناصرکوبتادینا چاہتے ہیںکہ قائدتحریک الطا ف حسین کامحنت کشوںسے خصوصی تعلق ہے جسے کبھی ختم نہیںکیاجاسکتا۔ لیبرڈویژن کے جوائنٹ انچارجز صابرخان اورزوارحسن نے کہاکہ کراچی اوراس کے اداروںپرجوشب خون مارجاراہاہے وہ ظلم کی انتہا ہے، اس سیاہ قانون کے تحت کراچی کے مالیاتی اداروںکوسندھ گورنمنٹ میں ضم کرنے کی گھنائونی سازش کی گئی ہے جس کے باعث ادارے مالی بحران کاشکارہیں اورملازمین تاحال تنخواہوںسے محروم ہیں۔ یونائٹیڈلیبرفیڈریشن کے صدرجاویدنہال نے کہاکہ سندھ اسمبلی اب اسمبلی نہیںرہی بلکہ یہ آرڈی نینس فیکٹری بن چکی ہے جہاں سے آئے دن نئے نئے سیاہ قانون عوام پرلاگوکیے جاتے ہیں۔



اس موقع پر اجتماع میں یہ قراردادیں متفقہ طور پر منظور کی گئیں جس میں مطالبہ کیا گیا کہ بلدیاتی ملازمین کے حقوق پر ڈاکا سندھ لوکل گورنمنٹ آرڈیننس 2013 کو فوری طورپر واپس لیا جائے، بلدیاتی اداروں خصوصاً KMC، KDAاور کراچی واٹر اینڈ سیوریج بورڈ کے مالی اور اختیاری وسائل پر حکومت سندھ اپنا قبضہ ختم کرے، ماسٹر پلان ڈپارٹمنٹ کی سندھ حکومت میں منتقلی کے فیصلے کو فوری طورپر واپس لیا جائے، تمام اداروں میں پچھلے 5 سال سے خدمات انجام دینے والے غیر مستقل محنت کشوں کو مستقل کیا جائے، کسی بھی محنت کش کی کم از کم تنخواہ 20 ہزار روپے کی جائے،کسی بھی محنت کش کی حادثاتی موت کی صورت میں اس کے گھر کے ایک فرد کو اسی ادارے میں ملازمت دی جائے۔