دل کا شدید دورہ پڑنے پر کپیل دیو اسپتال میں داخل

اسپورٹس ڈیسک  جمعـء 23 اکتوبر 2020
کپیل دیو کی انجیو پلاسٹی کی گئی جس کے بعد ان کی حالت تسلی بخش ہے۔ فوٹو : فائل

کپیل دیو کی انجیو پلاسٹی کی گئی جس کے بعد ان کی حالت تسلی بخش ہے۔ فوٹو : فائل

نئی دہلی: دل کا دورہ پڑنے پر سابق بھارتی کپتان کپیل دیو کو اسپتال میں داخل کردیا گیا ہے۔

سابق بھارتی کپتان اور پیسر کپیل دیو کو دل کا شدید دورہ پڑنے پر اسپتال منتقل کردیا گیا ہے جہاں ان کا علاج فورٹس ایسکورٹ اسپتال میں جاری ہے،سابق بولر کو جمعے کی صبح دل کا دورہ پڑا جس کے بعد انہیں اسپتال منتقل کیا گیا اور فوری طور پر انجیو پلاسٹی کی گئی جس کے بعد ان کی حالت تسلی بخش بیان کی گئی ہے۔

اسپتال کی جانب سے جاری کردہ بیان کے مطابق کپیل دیو کو ابھی بھی آئی سی یو میں رکھا گیا ہے جہاں ڈاکٹر اتل ماتھر اور ان کے معاونین ان کی نگہداشت جاری رکھے ہوئے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔