نواز شریف آج 64 ویں سالگرہ منائینگے

25دسمبر1949 کولاہورمیں پیدا ہوئے ۔وہ 6 نومبر 1990 سے 18 اپریل 1993 تک پہلی مرتبہ پاکستان کے وزیر اعظم بنے۔ فوٹو: فائل

---

وزیر اعظم نوازشریف آج (بدھ)اپنی 64ویں سالگرہ منائیں گے، ن لیگ کے سربراہ کی حیثیت سے پارٹی کے مختلف ونگ اضلاع کی سطح پر سالگرہ تقریبات کااہتمام کرینگے جس میں کیک کاٹنے کے علاوہ نوازشریف کی درازی عمر اورملک و قوم کی سلامتی کیلیے خصوصی دعائیں مانگی جائینگی۔

نواز شریف 25دسمبر1949 کولاہورمیں پیدا ہوئے ۔وہ 6 نومبر 1990 سے 18 اپریل 1993 تک پہلی مرتبہ پاکستان کے وزیر اعظم بنے، دوسری مرتبہ 12ویں وزیر اعظم کے طور پر 17 فروری 1997ء سے لیکر 12 اکتوبر 1999تک مسند اقتدار پر فائزرہے جبکہ11 مئی 2013کے عام انتخابات میں شاندار کامیابی کے بعدایک بارپھرانھیں وزیراعظم پاکستان کے طور پر منتخب ہونے کا شرف حاصل ہواہے۔