سونم کپور کی فلم خوبصورت کی شوٹنگ جے پور میں جاری

فوٹو: فائل

---

اداکارہ سونم کپور کی فلم خوبصورت کی شوٹنگز ان دنوں جے پور میں جاری ہیں۔

فلم میں ان کے ساتھ پاکستانی اداکار فواد خان ہیرو کا کردار ادا کر رہے ہیں۔ اطلاعات کے مطابق جے پور میں دونوں پر فلم کے کچھ سین عکس بند کیے گئے ہیں ۔ سونم کپور نے سماجی رابطے کی ویب سائٹ پر شوٹنگز کی تصاویر شیئر کی ہے اور کہا ہے کہ فلم کی عکسبندی تیزی سے جاری ہے اور اسے شیڈول کے مطابق مکمل کرکے سینما گھروں کی زینت بنایا جائے گا ۔ واضح رہے کہ ''خوبصوت'' 1980 کی کلاسیکل فلم کا ریمیک ہے اور اس فلم میں ماضی میں اداکارہ ریکھا نے مرکزی کردار ادا کیاتھا۔